Shoqatat mediale kundërshtojnë kthimin e reklamave qeveritare në ekran

Picture of ina-online
ina-online

17/11/2023

Shoqatat e punonjësve në media në Maqedoninë e Veriut janë shprehur kundër propozimit të ligjit për media, me të cilin televizioneve dhe radiove u mundësohet që përmes reklamave të institucioneve të shtetit, të kenë në dispozicion 4 milionë euro mjete këto nga buxheti i shtetit.

“JO” fushatave të qeverisë në media, është ky qëndrimi i prerë i organizatave dhe shoqatave mediatike.

“Krijohet përshtypja se ka një lloj konsensusi në Kuvend për këto ndryshime ligjore. Kjo do të thosha se është vërtet e çuditshme, sepse deputetët që janë kundërshtarë politikë për një kohë të gjatë për asgjë nuk mund të bien dakord, tani papritmas bien dakord se paratë nga arka e shtetit duhet të derdhen në media”, thotë për Radion Evropa e Lirë, Mlladen Çadikovski, kryetar i Shoqatës së Gazetarëve në Maqedoninë e Veriut.

Këto reagime janë bërë pasi deputetët nga radhët e partive në pushtet, si dhe të atyre në opozitë, kanë arritur ujdi që këtë ligj ta kalojnë me procedurë të shkurtuar.

Sindikata e Pavarur e Gazetarëve dhe Punëtorëve të Mediave, Shoqata e Gazetarëve të Maqedonisë, Instituti për Media dhe Këshilli për Etikë në Media, theksojnë se miratimi i këtij ligji nuk duhet të kalojë.

“Përmes reklamimit të aktiviteteve qeveritare, autoritetet udhëheqëse të shtetit do të kenë mundësi të ndikojnë në politikën e këtyre mediave aq sa dorëlirë do të jenë në ndarjen e këtyre mjeteve nga arka e shtetit”, thekson Leunora Kaliqi, kryetare e Këshillit për Etikë në Media.

Ajo thotë se praktika e financimit të mediave private me paratë e shtetit tashmë është e njohur, për pasojat që sjell në ndikimin e drejtpërdrejtë në politikën redaktuese, si dhe pavarësinë e mediave.

“Këshilli për Etikë në Media së bashku me organizatat profesionale gazetareske publikisht ka shprehur në vazhdimësi qëndrimin kundërshtues për ndryshimet e propozuara në ligj, të cilat në veçanti do të jenë shumë të dëmshme për pluralizmin medial, pavarësinë e mediave dhe lirinë e punës së gazetarëve”.

“Këto vlerësime bazohen në vlerësime të ekspertëve dhe ndryshimet e propozuara ligjore janë në kundërshtim e jo në përputhje me standardet evropiane. Prandaj vlerësojmë se ky propozim do të përforcojë në mënyrë shtesë kulturën klienteliste dhe korruptive në sistemin mediatik dhe në këtë mënyrë drejtpërdrejt dëmtojnë interesin publik”, shton Kaliqi.

Nga ana tjetër, Mlladen Çadikoski, kryetar i Shoqatës së Gazetarëve, thotë se mjetet e buxhetit duhet të destinohen për përforcimin e kapaciteteve të mediave në projekte konkrete:

“Demokracia maqedonase është shumë e brishtë, dhe si e tillë ne besojmë se një ligji i tillë që rregullon punën e mediave duhet t’i paraprijë një debat serioz për të folur se në ç’mënyrë duhet të destinohen paratë e shtetit në media”.

“Qëndrimi ynë është se paratë e shtetit mund të përdoren në media, por për produkte cilësore mediatike që do të rrisin cilësinë e gazetarisë dhe të medias në tërësi”, shprehet Çadikovski.

Gjashtë vjet më herët u ndaluan reklamat qeveritare në hapësirën mediatike pasi Partia në pushtet, Lidhja Socialdemokrate (LSDM), disa muaj pas ardhjes në pushtet në vitin 2017, ndaloi reklamat në radio, televizion, gazeta dhe billborde.

Qeveria e kaluar e udhëhequr nga VMRO-DPMNE, është kritikuar ashpër në të gjitha raportet e organizatave dhe institucioneve ndërkombëtare, vite më parë, për shkak të reklamimit jotransparent të fushatave qeveritare, për ryshfete mediatike përmes reklamave, si dhe lidhjes qeveri-media.

Sipas ndryshimeve të propozuara në Ligjin për shërbimet mediatike audio dhe audiovizive, 0,1 për qind e të hyrave të realizuara në buxhetin e shtetit për vitin e kaluar do të shkojnë për financimin e fushatave shtetërore, përkatësisht mediat private do të kenë në dispozicion rreth 4 milionë euro./rel

TË FUNDIT
28 minuta
Në seancën parlamentare u verifikuan mandatet për deputetët e rinj
52 minuta
Për 18 vite nëpërmjet përmbaruesve janë paguar gati dy miliardë euro
58 minuta
PP: Me marrëveshjet në “Zinxhir” janë kthyer gati 1.000.000 euro në buxhetin shtetëror
2 orë
Largohen 60 metra kub mbetje nga deponitë e egra në Shkup gjatë fundjavës
3 orë
Në Tetovë dhe Shkup ende po sanohen dëmet nga moti i ligë

ME TE LEXUARA

5 orë
Paradite mot me diell, pasdite mundësi për shi të rrëmbyeshëm dhe bubullima
1 ditë
Sot bëhet varrimi i gazetarit Isuf Kadriu
21 orë
Taravari nuk pret, gati shpalljen për ndërtimin e dy spitaleve
4 orë
Kuvendi do t’i plotësojë vendet e deputetëve të cilët u bënë ministra
1 ditë
Cilat janë prioritet e VLEN-it në këtë Qeveri? Flet deputetja Mimoza Musa
20 orë
Greqia sërish ia kujton veton Maqedonisë së Veriut
4 orë
Maqedonia e Veriut renditet e treta në Evropë sipas shkallës së vdekjeve nga armët e zjarrit
1 ditë
Meta uron Mickoskin: Suksese! Besimplotë se do të jeni shembull frymëzimi

LEXO MË SHUMË

Kuvendi parlamenti maqedoni

Në seancën parlamentare u verifikuan mandatet për deputetët e rinj

permbarues izvrsitel

Për 18 vite nëpërmjet përmbaruesve janë paguar gati dy miliardë euro

Prokuroria

PP: Me marrëveshjet në “Zinxhir” janë kthyer gati 1.000.000 euro në buxhetin shtetëror

mbeturina berllok pastrim

Largohen 60 metra kub mbetje nga deponitë e egra në Shkup gjatë fundjavës

vershime shkup

Në Tetovë dhe Shkup ende po sanohen dëmet nga moti i ligë

Hristijan Mickoski

Mickoski njofton investimin e ri në energjetikë: Sigurohet rrymë për 100 mijë amvisëri, 630 punësime të reja

Qendra për Menaxhimin e Krizave.112

QMK: Shpëtohet një 16-vjeçare nga një humnerë në Strumicë

gjykata

Tre të plagosur rëndë nga Maqedonia, vendim i çuditshëm i gjykatës austriake

arme statistik

Maqedonia e Veriut renditet e treta në Evropë sipas shkallës së vdekjeve nga armët e zjarrit

INFO

NA NDIQ