Dy vetura janë dëmtuar ndërsa një punonjës i pikës së karburantit është lënduar pasi gjatë ditës së djeshme në fshatin Marino, në një pompë benzine ka shpërthyer zjarr brenda një veture.
“Më datë 04.03.2023 në SPB-Shkup është raportuar se rreth orës 19:40 në një pikë karburanti në fshatin Marino, komuna e Ilindenit, ka shpërthyer zjarr në veturën e pasagjerëve “Fiat” me targa të Shkupit, në pronësi të L. V. (59) nga Ilindeni. Gjegjësisht, sipas raportit, derisa punonjësi M.K.(20) nga fshati Jurumleri i Shkupit, po derdhte gaz në veturë, ka shpërthyer zjarri dhe i njëjti është lënduar. Nga zjarri është dëmtuar edhe automjeti tip “Alfa Romeo” me targa të Shkupit në pronësi të K.N.(68) nga fshati Bujkovci i Shkupit.
