Shprehitë që i keni, por që janë duke jua dëmtuar veshkat

INA
INA

15/01/2024

Roli i veshkave është filtrimi i gjakut, absorbimi i mineraleve nga ushqimet që i konsumojmë, lirimi i hormoneve dhe detoksikimi i trupit përmes urinës

Rrjedhimisht, dëmtimi i veshkave është problem serioz shëndetësor, por ky dëmtim zakonisht nuk sjell simptoma të hershme, andaj është e rëndësishme t’i shmangni shprehitë që mund t’jua dëmtojnë veshkat.

1: Është e rëndësishme që trupi të jetë i hidratuar në mënyrë që veshkat të jenë të afta të funksionojnë normalisht. Mos konsumimi i mjaftueshëm i ujit mund t’i dëmtojë seriozisht veshkat, ndërkaq konsumimi i rregullt i ujit e detoksikon trupin, i zvogëlon rreziqet e infeksioneve në traktin urinar dhe të gurëve në veshka.

2: Konsumimi i ushqimeve me sasi të lartë të sodiumit e rritë rrezikun për dëmtim të veshkave, për shtypje të lartë të gjakut, si dhe për ënjtje në kyçe, këmbë dhe duar. Kufizojeni sasinë e ushqimeve të përpunuara, paketuara dhe konservuara që i konsumoni sepse zakonisht kanë shumë sodium.

3: Konsumimi i rregullt i mishit të kuq i bën veshkat më të prira të dëmtohen, për shkak të toksinave si nitrogjeni dhe amoniaku që gjendet në mish të kafshës dhe proteinë.

4: Shprehia për ta mbajtur urinën për kohë të gjatë mund t’i dëmtojë seriozisht veshkat, pasi që e rritë rrezikun e infeksioneve të traktit urinar, i dëmton muskujt e pelvikut, si dhe e mundëson akumulimin e toksinave në trup.

5: Studimet e kanë ndërlidhur hipertensionin me dëmtim të veshkave sepse veshkat i filtrojnë toksinat përmes gjakut dhe enëve të gjakut. Prandaj, është e nevojshme ta monitoroni shtypjen e gjakut dhe t’i parandaloni bllokadat e arterieve.

6: Konsumimi i tepërt i ushqimeve dhe pijeve të ëmbla mund të shpijë në zhvillim të tipit 2 të diabetit, i cili eventualisht shpie në dëmtim të enëve të gjakut dhe veshkave.

7: Mungesa e gjumit është e rrezikshme për tërë trupin, duke përfshirë edhe veshkat. Mungesa e gjumit e rritë shtypjen e gjakut, ndikon në funksionin e veshkave, shkakton stres, lodhje dhe shumë probleme tjera shëndetësore.

TË FUNDIT

ME TE LEXUARA

LEXO MË SHUMË

ushqim2-707x383-600x360

Ushqimet që duhet me patjetër t’i shmangni në mëngjes, paralajmëron gastroenterologu

pem

Mbron zemrën dhe trurin: Ky është fruti më i shëndetshëm që mund të hani, sipas dietologëve

marramendje semurje vjellje

Ndjeni marramendje? Këtu janë arsyet e mundshme pse bota rrotullohet rreth teje

QUMSHT

Të mirat shëndetësore që vijnë nga produktet e qumështit

Turshia-Receta-Kuzhine

Përfitimet shëndetësore nga lëngu i turshive

Syri syte

Sekreti pas dridhjes së pavullnetshme të syrit

Arra

3 arsye të forta përse duhet të hani më shumë arra

vitamina-D

Dhimbjet që ju shkaktohen si pasojë e mungesës së vitaminës D

fruthi

ISHP: Gjithsej 903 persona me linë e dhenve në janar

INFO

NA NDIQ