Shqiptarët, në tri vendet e para të biznesit të huaj në Itali

0

Shumica e pronarëve të huaj të biznesit, 81%, vijnë nga jashtë BE-së, nga Kina, Rumania dhe Shqipëria, që zënë tri vendet e para, njofton faqja e njohur ekonomike thelocal.it.

”Qytetarët joitalianë përbëjnë pothuajse 15% të të gjithë sipërmarrjeve të biznesit në Itali, një rritje prej gati një të tretën që nga viti 2010. Ka rreth 447 000 sipërmarrës të huaj në Itali, sipas hulumtimit të publikuar të hënën nga Instituti i Studimeve Sociale “Censis”, shkruan The Local.

”Ky numër u rrit me 31,7 për qind mes viteve 2010 dhe 2018 dhe joitalianët përbëjnë tani 14,6 për qind të gjithë pronarëve të biznesit në Itali.

”Gjatë së njëjtës periudhë, numri i pronarëve italianë të biznesit ra me 12,2 %. Shumë emigrantë blenë firmat e dështuara italiane me çmime të volitshme gjatë recesionit në Itali”, thanë grupet e biznesit për The Local.

”Ky nuk është ndryshimi i vetëm midis dy grupeve. Të huajt që zotërojnë biznese në Itali priren të jenë më të rinj – pak më shumë se 71% janë nën 50 vjeç, krahasuar me 44% nga homologët e tyre italianë”, thuhet në shkrim, shkruan atsh, përcjell albinfo.ch.

”Shumica e pronarëve të huaj të biznesit, 81%, vijnë nga jashtë BE-së, me Kinën, Rumaninë dhe Shqipërinë në tri vendet e para të origjinës”, shtohet në të.

Me gjithë reputacionin e keq të Italisë për burokracinë dhe pengesat e tjera, më shumë se tre të katërtat e sipërmarrësve të huaj janë të lumtur për mënyrën se si ecën biznesi i tyre.

Rreth 55% thanë se ishin pjesërisht të kënaqur dhe 21% ishin plotësisht të kënaqur.