Xhavit Elmazi nga Manastir po kërkon kthimin e tokës së tij që e kishte blerë, por që drejtësia i ka injoruar kërkesat e tij.
TV21 përmes një kronike ka zbardhur rastin e shqiptarit nga kjo komunë, i cili ka rrëfyer padrejtësitë.
Ai për TV21 ka theksuar se në vitin 1987 ka blerë një tokë në Manastir në vendin e ashtuquajtur “Bistra” që në atë kohë ka kushtuar 1. 800.000 dinarë jugosllavë, duke bërë një marrëveshje reciproke me shitësin.
Në vitin 1990 banorët e lagjes, siç thotë Elmazi, i kanë ngritur procedurë gjyqësore për ta larguar nga lagja vetëm se ishte shqiptar. Në atë vit gjykata e shpalli të pa vlefshme marrëveshjen mes shitësit dhe blerësit. Edhe pse ka dokumente të shumta se toka është e tij, Xhaviti nuk e merr dot tokën nga Komuna.(INA)
Kronika e TV21
