Shtatë shenja dhe simptoma që nuk duhen injoruar

Picture of INA
INA

11/10/2023

Nga humbja e pashpjegueshme e peshës deri te shfaqja e papritur e vezullimave të dritës, kini parasysh simptomat e rëndësishme dhe dini kur të kërkoni kujdes mjekësor.

Dhimbja e gjoksit, humbja e papritur e shikimit ose e të folurit dhe dhimbjet e forta të barkut, kërkojnë kujdes të menjëhershëm mjekësor. Por, çfarë ndodh me simptomat më delikate? Mund të jetë e vështirë të dihet se kur duhet të kërkoni kujdes mjekësor.

Në vijim Mayo Clinic sjell një listë me shtatë shenja e simptoma që kërkojnë vëmendje:

Humbja e pashpjegueshme e peshës
Humbja e peshës pa u përpjekur mund të jetë një shenjë e një problemi shëndetësor. Një rënie e pashpjegueshme në peshë mund të shkaktohet nga shumë gjendje shëndetësore. Këto përfshijnë tiroiden tepër aktive (hipertiroidizëm), diabetin, depresionin, sëmundjet e mëlçisë, kancerin ose çrregullimet që ndërhyjnë në mënyrën se si organizmi i absorbon lëndët ushqyese (çrregullime të keqpërthithjes).

Nëse keni humbur më shumë se 5 për qind të peshës trupore brenda 6 deri në 12 muajt e fundit, bisedoni me mjekun tuaj.

Temperaturë e vazhdueshme e lartë
Temperatura duket se luan një rol kyç në luftimin e infeksionit. Temperatura persistente mund të nënkuptojnë se keni një infeksion. Nëse keni ethe dhe simptoma të tjera, të tilla, si kolla dhe lodhja, kontaktoni mjekun tuaj për këshilla mjekësore. Sidomos, nëse temperatura juaj është 39 °C dhe qëndron më shumë se tri ditë.

Frymëzënie
Ushtrimet e forta, temperaturat ekstreme, mbipesha dhe lartësia e madhe mund të shkaktojnë dispne. Frymëzënia mund të jetë shenjë e një problemi tjetër shëndetësor. Nëse keni dispne të pashpjegueshme, veçanërisht nëse shfaqet papritur dhe është e rëndë, kërkoni kujdes mjekësor urgjent.

Shkaqet për dispne mund të përfshijnë sëmundje kronike obstruktive pulmonare, bronkit, astmë, pneumoni ose një mpiksje gjaku në mushkëri (emboli pulmonare). Shkaqe të tjera përfshijnë problemet e zemrës dhe mushkërive. Vështirësia në frymëmarrje mund të ndodhë edhe me një atak paniku – një episod i papritur ankthi intensiv që shkakton reaksione të rënda fizike kur nuk ka rrezik real ose shkak të qartë.

Ndryshime të pashpjegueshme në shprehitë e zorrëve
Ajo që konsiderohet tipike për lëvizjet e zorrëve ndryshon shumë. Konsultohuni me ofruesin tuaj të kujdesit shëndetësor nëse vëreni ndryshime të pazakonta ose të pashpjegueshme në lëvizjet e zorrëve, të tilla si:

• Jashtëqitje të përgjakshme, të zeza ose ngjyrë katrani
• Diarre ose kapsllëk i vazhdueshëm
• Dhimbje në bark që nuk largohet

Ndryshimet në shprehitë e zorrëve mund të jenë një shenjë e një infeksioni bakterial – të tillë, si infeksioni me kampilobakter ose salmonela – ose një infeksion viral ose parazitar. Shkaqe të tjera të mundshme përfshijnë sëmundjen e zorrës së irrituar dhe kancerin e zorrës së trashë.

Konfuzion ose ndryshime të personalitetit
Kërkoni kujdes mjekësor nëse keni papritur:

• Aftësi të dobëta të të menduarit
• Vështirësi për t’u fokusuar ose për t’i kushtuar vëmendje
• Ndryshimet e sjelljes

Këto ndryshime mund të shkaktohen nga shumë probleme, të tilla, si infeksioni, dehidrimi, ushqyerja e dobët, kushtet e shëndetit mendor ose droga.

Ndjeheni të ngopur pasi keni ngrënë shumë pak
Nëse zakonisht ndiheni të ngopur shumë shpejt ose pasi keni ngrënë më pak se zakonisht, bëni një kontroll. Mund ta keni këtë ndjenjë – të njohur si ngopje e hershme – së bashku me të përziera, të vjella, fryrje ose humbje peshe. Nëse po, sigurohuni që t’i tregoni mjeku tuaj edhe për këto simptoma.

Shkaqet e mundshme të ngopjes së hershme përfshijnë sëmundjen e refluksit gastroezofageal, e njohur zakonisht si GERD dhe ulcerat peptike. Në disa raste, një problem më serioz – si kanceri i lukthit – mund të jetë një faktor.

TË FUNDIT
3 orë
Si të evitoni rrezikun e atakut në zemër nga i nxehti përvëlues
5 orë
Arsyet pse ndiheni të lodhur gjatë gjithë kohës
2 ditë
​Një infeksion bakterial vdekjeprurës trondit Japoninë
2 ditë
Fruta që duhen konsumuar çdo ditë për të mos shtuar në peshë
4 ditë
Të rinjtë po vuajnë gjithnjë e më shumë nga kanceri i zorrës së trashë

ME TE LEXUARA

5 orë
Arsyet pse ndiheni të lodhur gjatë gjithë kohës
3 orë
Si të evitoni rrezikun e atakut në zemër nga i nxehti përvëlues

LEXO MË SHUMË

moti Vapa nxehti temperaturat

Si të evitoni rrezikun e atakut në zemër nga i nxehti përvëlues

lodhje gjume plogeshti

Arsyet pse ndiheni të lodhur gjatë gjithë kohës

korona-virusi

​Një infeksion bakterial vdekjeprurës trondit Japoninë

boronica dredheza peme

Fruta që duhen konsumuar çdo ditë për të mos shtuar në peshë

barku_zorret

Të rinjtë po vuajnë gjithnjë e më shumë nga kanceri i zorrës së trashë

hurme

Hurmat – fruti me vlera të larta ushqyese

OBSH

OBSH alarmon për rrezikun: Antibiotikët nuk po funksionojnë

miza ushqim

Rreziqet shëndetësore që vijnë nga mizat që prekin ushqimin

Bashkim Ziberi

VIDEO/Ziberi: Shkalla e vdekshmërisë nga kanceri në Ballkan, shumë më e lartë se sa në BE

INFO

NA NDIQ