Data e fillimit të Sistemit të ri të Hyrje-Daljeve (EES) të Bashkimit Evropian, fillimisht planifikuar të hyjë në fuqi më 10 nëntor të këtij viti, është shtyrë për një kohë të pacaktuar.
Kjo vendosje erdhi pasi disa vende anëtare të BE-së, përfshirë Gjermaninë, Francën dhe Holandën, nuk janë ende të përgatitura për zbatimin e tij.
EES, i miratuar në 2017, do të përdoret për të regjistruar hyrjet dhe daljet e udhëtarëve nga vendet joanëtare, që udhëtojnë drejt BE-së. Nëpër vendkalimet kufitare, do të mblidhen të dhënat personale, përfshirë gjurmët e gishtërinjve dhe informacione tjera biometrike.
Komisionarja e BE-së për Çështjet e Brendshme, Ylva Johansson, njoftoi këtë shtyrje, por nuk specifikoi një datë të re për implementimin. Ndërkohë, disa ekspertë kanë paralajmëruar se sistemi mund të shkaktojë pritje të gjata në kufijtë e jashtme të BE-së.
Ky sistem është i ndarë nga ETIAS, i cili pritet të hyjë në veprim vitin e ardhshëm dhe kërkon që qytetarët e vendeve të treta të regjistrohen përpara udhëtimit në BE, duke marrë aprovim për një periudhë trivjeçare.
