Si bajgë e tharë që e ka marrë lumi i krimit dhe i marrëzisë politike!

Picture of Iliria News Agency
Iliria News Agency

05/03/2023

Nga Kim Mehmeti

Nëpër vendbanimet e ‘Shqipërive’ tona shumëçka mungon dhe nga dita në ditë rritet varfëria dhe pashpresa. Me çka zvogëlohet numri i të rinjve dhe shtohet numri i shtëpive të mbetura shkretë. Siç rritet edhe hapësira për qentë endacakë, të cilët aq shumë janë shumuar dhe egërsuar sa të duket se edhe ato i ka përfshirë epidemia e grindjeve ndërpartiake.

Dhe kështu, për shembull, në Shqipëri, nuk ka gjykata për ta ndaluar rrënimin e Teatrit Kombëtarë, apo për t’i dënuar hajdutët e kriminelët me kollare të politikanit, por ka gjykatës që e dinë se kujt i takon partia dhe, që vulat e emblemën partiake, ua japin budallenjve që besojnë se ato janë si hekur i nxehtë, me të cilin mund t’i shënosh votuesit tu si bariu delet e veta.

Edhe Kosovën vazhdojnë ta braktisin të rinjtë, por asaj i mbeten besnik pushtetarët dhe opozitarët. Opozitarët që sillen thuajse bisedimet me Beogradin kanë filluar me ardhjen e VV në pushtet dhe se, marrëveshjen për ‘Asociacionin e Komunave Serbe’ e ka nënshkruar Kryeministri i sotëm i vendit e jo ata të deridjeshmit që nuk ndërtonin Kosovë për banorët e saj, por vila e shtëpi luksoze për vetveten, ata që e gjetën se cili është emri i lirisë, por duke e harruar mbiemrin e saj – popullin!

Pra, Kosovës i pakësohet rinia, por i shtohen opozitarët që të lënë përshtypjen se më shumë e dëshirojnë dështimin e Kryeministrit të vendit të tyre se sa atë të Vuçiqit, që e ndjellin dështimin e liderit të VV-së, që jo se nuk bënë gabime, por të cilit i ka rënë në hise ta pastrojë plehun politik që kanë lënë pas vete drejtuesit e mëparshëm të shtetit, të cilët sot shtiren se nuk e dinë as çka ka ndodhur, e as çka do të ndodhë, por të cilët që tani e kanë të qartë se do u pëlqejë e kundrat e asaj që do nënshkruajë kundërshtari i tyre politik – kryetari i Lëvizjes Vetëvendosje.

Sa u përket shqiptarëve të Maqedonisë, për ata nuk ka çka të thuhet dhe është mëkat për çka do qoftë t’i akuzosh e fajësosh. Sepse, duke e pasur mëmëdhe Shqipërinë e atdhe Kosovën, ata thuajse nuk kanë si ta shmangin as rrugaçërinë politike, e as vasalitetit politik ndaj partive maqedonase. Dhe ata mund të veprojnë politikisht si të duan, e të mos e turpërojnë shqiptarinë aq sa deputet e Kuvendit të Shqipërisë.

Po pra, nga vendbanimet tona për çdo ditë nisen autobusët që e shpërndajnë rininë shqiptare nëpër metropolet e Perëndimit. Me çka ua rrisin numrin vendeve të Evropës dhe e pakësojnë numrin e shqiptarëve nëpër ‘Shqipëritë’ tona. Dhe ata nuk e braktisin vendlindjen pse i frikësohen skamjes, por pse nuk duan të ndjehen si bajgë e tharë të cilën e ka marrë me vete lumi i krimit dhe i marrëzisë së këtushme politike. (Kim Mehmeti)

TË FUNDIT
6 orë
Ariu mbyti dhe i ngrëni disa dele në Raven të Gostivarit
6 orë
“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem
8 orë
Lëvizja BESA vendosi për ministrat dhe zvministrin
8 orë
Gashi takohet me presidenten e Kosovës Vjosa Osmani
10 orë
Tetovë, mosmarrëveshje mes myftineve për kurbanet

ME TE LEXUARA

20 orë
Sot dhe nesër regjim i posaçëm komunikacioni në qendër të Shkupit
16 orë
“Kjo është pafytyrësi” – Qytetarët të revoltuar me regjimin e posaçëm të komunikacionit në Shkup
8 orë
Gashi takohet me presidenten e Kosovës Vjosa Osmani
19 orë
Edhe tre ditë deri në përfundim të vitit shkollor, orë të shkurtuara për filloristët për shkak të të nxehtit
15 orë
Bexheti: Asnjëherë nuk kemi ikur nga zgjedhjet
22 orë
Hovenier: SHBA është krenare për rolin e rëndësishëm që luajti në Kosovë
8 orë
Lëvizja BESA vendosi për ministrat dhe zvministrin

LEXO MË SHUMË

ariu

Ariu mbyti dhe i ngrëni disa dele në Raven të Gostivarit

IMG_2967

“Mendimi i lirë nuk bie ndesh me Kushtetutën”, Presidentja e RMV mbron emrin “Maqedoni” para ministrit grek: Kam të drejtë të shprehem

IMG_2962

Lëvizja BESA vendosi për ministrat dhe zvministrin

IMG_2961

Gashi takohet me presidenten e Kosovës Vjosa Osmani

kurban dashi

Tetovë, mosmarrëveshje mes myftineve për kurbanet

kuvendi parlamenti

Ligji për Vetqeverisjen Lokale/ Fronti Evropian dhe LSDM-ja nuk mbështesin ndryshimet e ligjit!

partite kosove

Anketa e NDI në Kosovë: VV prinë, por ja si radhiten partitë e tjera

uns struge jeton shaqiri merko

Jeton Shaqiri tregon se çka ka nënshktuar për Universitetin Ndërkombëtar të Strugës

server

Server: Nuk zbutet Vuçiqi që ka pasur mentor Millosheviçin/ Ja pse përmend “Serbinë e madhe”

INFO

NA NDIQ