Si kaluam Hashim Thaçin me makinën time të ministrit nga Maqedonia në Shqipëri

Iliria News Agency
Iliria News Agency

17/02/2022

Shkruan Xhevdet Nasufi

Rrëfim personal, thyrje e principit të vetvetes

Në luftën e Kosovës pushteti qeverisës i shqiptarëve në Maqedoninë e Veriut në atë kohë ishte një hallkë e rëndësishme për suksesin e luftës dhe pavarsinë e Kosovës(PDSH me Arbën Xhaferin).

Në vlugun e luftës në Kosovë një ditë gjysëm të vrenjtur në zyren e Ministrit të Drejtësisë (e udhëhiqja këtë dikaster në atë kohë) telefoni i xhepit më prishi qetësinë.

Kryetari i PDSH-së Arben Xhaferi më kërkon të shkoj në Tetovë në zyren e tij. Edhe vet thirja ishte e veçantë, ngërthente edhe nevojën e që të nisem me ekipin për sigurim më të veçantë.

Nga kjo distancë kohore dhe me fjalët sado të përzgjedhura nuk është e mundur ta mbartet atmosfera e atëhershme që mretëronte ndër shqiptarët e Maqedonisë(lidhur me luftën në Kosovë), edhe aq më pak për mua personalisht si ish i dënuar politik, i burgosur në Goli Otok,kurse në atë moment në pozitë të anëtarit të Qeverisë në Maqedoninë e Veriut, bile edhe më shumë se të një ministri, i paisur me plotë pushtet.

Pas përgatitjes  së duhur, mëndja më shëtiste nëpër mundësit që mund të jenë arsyet e kësaj urgjence të Kryetarit të nderuar të PDSH-së.
Kur hyra në zyren e Arben Xhaferit, personi i ulur karshi tij, brofi në këmbë, më impresionoj me fizikun e tij (i ri, i lart dhe i mpreht në fëtyrë), por edhe me xhaketë të grisur. I tillë ishte atëher Hashim Thaçi. Më befasoj me përshëndetjen e prerë dhe të mbreht: “A u lodhe zotëri Ministër! Nuk
prita ndërhyrjen e Arbenit për njohjen kurtuaze dhe pyeta: Po ku më njihni Ju mua? Më dha befasinë e shkëlqyer: ” vij nga Vrbovci i Drenasit dhe të bëjnë të fala rukiqët, Tafa, Ajeti(sot dëshmor i luftës) ku kam qëndruar shumë kohë gjatë luftës. Rukiqët, dem baba dem janë dëshmuar si patriotë,por edhe si miq të mij.Së fundmi,pas vizitës të Vrbovcit, në oden e Tafë Rukiqit(bashk të dënuar në fillimvitet e shtatdhetës) shiqova në murin e odës zgafellen e hapur nga gjylja e hedhur prej serbëve për të vrarë Hashimin pas zbulimit të vendqendrimit. Është ajo familje e heshtur, por patriotike, me disa nga të cilët ndava burgun, vujtje dhe gëzime bashk.

Pas pregatitjeve të domosdoshme,në veturen time u fut Hashimi Thaçi bashkë me Menduin dhe u nisëm për në Shqipëri. Shumë më vonë, rrodhi informata se Ministri i Policisë i atëhershëm, komunist në bindje, kishte lëshuar urdhërarest kundër Hashimit (bashkpunimi i shërbimeve simotra Maqedoni-Serbi nuk ka pushuar asnjëherë) por që është asgjasuar pa zhurmë nga vet drejtori i policisë së Maqedonisë së Veriut (ndjesë past që vdiq i ri) që është dashur ta zbatoj, kuadër i VMRO së atëhershme, për dallim nga Ministri kuadër i partie tjetër koalicionuese. Kjo sot e gjithmon më ka bindur për realitetin se koalicioni i atëhershëm shqiptar-maqedon( PDSH_VMRO, bile edhe gjatë luftrave të armatosura) ka qënë shumë më korrekt dhe i sinqert se sa kanë qënë të tjerët. Zatën, përvoja ime personale më ka bindur shumë herë për këtë, veçmas gjatë luftës në Kosovë.

Rruga për në Shqipëri nuk ishte e vështir. Ishte udhëtimi i parë jash vëndit për Hashimin në atë detyrë të përgjegjshme. Erdhi ilegalisht nëpër malet e Sharrit ku edhe ju dëmtua xhufi,nëpër rreziqe që e përcillnin në çdo hap,por e kaluam në vendkalimin kufitar të Bllacës sikur president shteti, me tra të hapur anë e mbanë.

Ky ishte çmimi i lirisë dhe i nderit. Kufiri ishte i siguruar nga përgjegjësi shqiptar për tërë kufijt e Maqedonisë(Lufi). Pushtet e çke me te. Në pjesën shqiptare të kufirit,pritem me orë të tëra. Kuptuam se Kryeministri Majko kish nisur përcjelljen shtetrore, që Hashim Thaçi të pritet siç duhet. Nikoqiri Paskal Milo(atëher Ministër për Punë të Jashtme) ishte në nivelin e detyres,pas mesit të natës na uroj mirëseardhjen, kur edhe mbërritem në Tiranë 000000pas udhëtimit gati dymbëdhet orë.

Autori është ish-ministër i drejtësisë në Maqedoninë e Veriut

TË FUNDIT

ME TE LEXUARA

LEXO MË SHUMË

Kongresi i LSDM zyrtarizoi kandidaturën e Pendarovskit për president

denar rroga ndihma

Maqedoni/ Bislimi: Rroga evropiane për zyrtarët, ndërsa rroga afrikane për punëtorët

zvicer zurich cyrih

Albinfo: Gjashtë gjëra që nuk i shihni në Zvicër, por janë të zakonshme në vende të tjera

taravari shkup

Ekonomisti Naim Demiri i bashkëngjitet ASH-së (FOTO)

kandidatet per president

Osmani i mblodhi nënshkrimet për president, edhe pak ju duhen Taravarit, Dimitrievskit dhe Vankovskës

mjeke

Mjekët kërkojnë rritje pagash e pacientët shërbime

Afrim Gashi

Gashi: E dhamë provimin e pjekurisë politike duke e bashkuar opozitën

pavaresia e kosoves

Kosova feston 16 vjetorin e Pavarësisë

policia-maqedonise-598x330

Aksioni policor në Gërçec të Shkupit – paraburgim për pesë persona, dhjetë të tjerë janë në arrati

INFO

NA NDIQ