Si ndikon konsumi i kafesë te personat me tension të lartë

INA
INA

25 Maj, 2023

Konsumi i dy ose më shumë filxhanëve me kafe në ditë e rrit dyfish rrezikun e vdekjes së parakohshme nga sëmundjet kardiovaskulare te njerëzit me hipertension, sugjeron një studim i ri.

Sipas studiuesve, këto gjetje vlerësojnë edhe një herë rrezikun që njerëzit me presion të lartë të gjakut kanë nga konsumi i tepërt i kafesë.

Edhe pse shpesh mund të keni dëgjuar se kafeja ka aftësi të mbrojë shëndetin e zemrës, kjo nuk është e vlefshme për njerëzit me hipertension të rëndë.

Kjo kategori njerëzish janë më të ndjeshëm ndaj efekteve të kafeinës dhe në këtë rast efektet e saj mbrojtëse mund të mos jenë më të tilla dhe mund të rrisin rrezikun e vdekjes së parakohshme.

Çfarë është presioni i lartë i gjakut?

Presioni i lartë i gjakut, i njohur gjithashtu si hipertension, ndodh kur forca e gjakut që shtyn muret e enëve të gjakut është vazhdimisht e lartë. Kjo bën që zemra të punojë më shumë për të pompuar gjakun.

Leximet e presionit të gjakut jepen si dy vlera: e para është presioni kur zemra rreh (sistolik) dhe i dyti është presioni kur zemra relaksohet (diastolik).

Disa faktorë rreziku për zhvillimin e sëmundjetvekardiovaskulare përfshijnë konsumin e duhanit, alkoolit dhe konsumin e ulët të perimeve.

Çfarë e bën kafenë një problem të mundshëm?

Konsumi i kafesë me sheqer, qumësht ose shtesa të tjera, mund të përbëjnë një rrezik për shkak të sheqerit dhe yndyrës së ngopur.

E njëjta gjë vlen edhe në rastin e çaji jeshil dhe llojeve të tjera, të cilëve iu shtohet sheqer apo aditivë të ndryshëm që nuk cilësohen si të shëndetshëm.

Studiuesit rekomandojnë se nëse keni hipertension të rëndë dhe ju pëlqen të shijoni kafenë tuaj, merrni parasysh të mos pini më shumë se një filxhan kafeje në ditë.

Por studimi nuk arriti të tregojë se zgjedhja më e mirë është që njerëzit me hipertension duhet ta ndërpresin kafenë, dhe as nëse zëvendësimi i saj me çaj ka ndonjë përfitim më domethënës.

Pra mënyra më e sigurt sipas tyre është të mos e teproni me konsumin e saj nëse vuani nga hipertensioni i rëndë. /AgroWeb

ME TE LEXUARA

LEXO MË SHUMË

ushqim per anemiket

Ushqimet e nevojshme për anemikët

ushqime-vitamina-696x392-1

Dita Botërore e Sigurisë së Ushqimit

UJI

Përfitimet që i sjell pirja e ujit me stomakun bosh

qershia

Efektet pozitive të qershive për shëndet më të mirë

majdanoz

Pini lëng majdanozi çdo mëngjes për të rënë në peshë

diell

Si të mbroheni prej alergjisë nga dielli

banane

Biotina, vitamina e panjohur që rigjallëron organizmin

hudhra

Aromën e ka të keqe, por dobitë e hudhrës janë të jashtëzakonshme për gripin

ushqim-frigorifer-uri-haje

Duhet apo jo ta ruash bukën në frigorifer?

INFO

NA NDIQ