Gjermania, si të gjitha vendet e tjera, është prekur nga kriza aktuale në mënyra të ndryshme.
Tregu i pasurive të paluajtshme po bëhet gjithnjë e më i paqëndrueshëm, ndërkohë që kompanitë e famshme botërore po mbyllin objektet e tyre, dhe në të njëjtën kohë, ky vend dita ditës ka nevojë për gjithnjë e më shumë punëtorë.
Siç u njoftua së fundmi, rreth 50 mijë njerëz nga rajoni do të mund të gjejnë punë në Gjermani, konkretisht në një degë. Gjegjësisht, restorantet atje kanë kohë që po mundohen të plotësojnë vendet e lira, ndërsa situata pritet të jetë edhe më e keqe në pranverë, kur do të ketë më shumë punë.
Natyrisht që mediat që shkruajnë për “hapjen e derës” për punëtorët e huaj konfirmohen edhe nga shoqata kombëtare e hotelierëve “Dehoga“, duke thënë se një zhvillim i tillë i situatës “u jep shpresë”. Përveç kësaj, përmenden disa masa që mund të ndihmojnë.
“Numri që duhet të arrihet tani është 50 mijë dhe do të rritet në mënyrë drastike këtë pranverë”, tha një përfaqësues i shoqatës.
Megjithatë, në të kundërt, restorantet presin një “prirje pozitive” nga “përpjekjet intensive” të qeverisë dhe punëdhënësve, duke përfshirë ofertën e arsimit/trajnimit, si dhe reformën e premtuar të rregullimit të imigracionit.
“Ne kemi nevojë për mundësi të reja ligjore për migrimin e synuar për motive punësimi nga vendet e treta”, theksohet më tej.
Industria gjermane e shërbimeve hotelierike aktualisht ofron më shumë se një milion vende pune me kontribute të paguara për sigurimet shoqërore. Numri i punëtorëve për të cilët punëdhënësi paguan kontributet e plota – në tetor është 3.7 për qind më pak se para pandemisë. Profesioni ka nevojë vazhdimisht për punë të kualifikuar të të gjitha profileve. Në vështirësi janë veçanërisht edhe kompanitë e vogla dhe të mesme nga zonat rurale të vendit. (INA)