Sikur t’i kesh pirë djersët e fatit!

Picture of Iliria News Agency
Iliria News Agency

28/02/2023

Nga Kim Mehmeti

Dekada e shtatë e jetës i ngjanë majës nga i sheh vetëm shtigjet e gabuara nga të cilët ke ecur gjatë jetës. Andaj nuk është e shëndetshme të qëndrosh në atë majë dhe duhet të bësh çmos që ta shmangësh atë. Gjë që unë ia kam dalë duke shfletuar librat e bibliotekës sime, librat e shumtë që i kam lexuar, e që më bëjnë të ndjehem i suksesshëm.

Mos ishin ato libra mbase kurrë nuk do e kuptoja se njësoj si fëmija që ecë drejtë rritës së vet duke u vetëgënjyer sa mirë e kanë të rriturit, edhe i rrituri, ecën gëzueshëm drejt pleqërisë dhe vdekjes duke u vetëgënjyer me sukseset qe ka arritur.

Mes librave të radhitur në raftet e bibliotekës sime janë edhe ato që i kam botuar gjatë dekadave të shkuara. Librat që ma rikujtojnë se në rini, isha aq i ngutshëm, sa doja t’i botoja edhe prozat që ende nuk i kisha shkruar e tani, në pleqëri, vazhdoj t’i shkruaj edhe librat që i kam botuar.

Kështu e ka jeta, them në vetvete: rininë e stolisë freskia, guximi e vrulli, ndërkaq pleqërinë e mbulon myshku i gabimeve nga e shkuara, e që e bënë të jetë dyshuese ndaj çdo gjëje, përfshi edhe vetë jetën

Menjëherë pranë librave të mi qëndron kompleti i Anton Peshkut, kompleti që më rikujton shumëçka nga e shkuara ime krijuese, përfshi edhe takimin e pare me të – me idhullin e viteve të mia rinore.

Dhe që nga ai takim i parë me të në vitin 1986, e kur Shtëpia Botuese ‘Rilindja’ Pashkut ia kishte botuar kompletin tre vëllimesh të veprave letrare, u betova se me të gjitha do bëhem si ai: se kurrë nuk do jem krijues mendjemadh që i përbuzë të tjerët dhe se, nuk do shkruaj më shumë se tre libra: një përmbledhje me shtatë tregime, një roman me shtatë kapituj dhe një përmbledhje me shtatë ese.

Por sot, sa nuk skuqem nga turpi kur i shoh ato dhjetëra romane e përmbledhje me ese e tregime që kam botuar. Dhe më vjen t’ia kris vetvetes një shuplakë pse nuk iu përmbajta besimit se ai që dinë, gjërat i thotë shkurt e qartë.

Po dekada e shtatë e jetës është majë nga mund ta shohësh kotësinë e udhëtimit jetësorë. Majë nga unë i shoh vitet e fëmijërisë sime kur dinim të gëzohemi edhe pse nuk kishim thuajse asgjë dhe këto të sotmet, kur i kam të gjitha, por ndjehem sikur të kisha pirë djersën e fatit – thuajse kot që kam jetuar! (Kim Mehmeti, Marrë nga dorëshkrimi, ‘Mosha e lejmeve të këqija’)

TË FUNDIT
1 ditë
Përkujtohet 178-vjetori i lindjes së Naim Frashërit
2 ditë
Një e katërta e të rinjve në RMV punojnë gjatë shkollimit
2 ditë
Qeveria e re premton reforma në arsim
3 ditë
Mbrojtja e liqenit të Ohrit i kalon Ministrisë së Mjedisit
4 ditë
“Dallëndyshja e kujtesës", rikthehet në Tetovën e Nexhat Pustinës

ME TE LEXUARA

1 ditë
Përkujtohet 178-vjetori i lindjes së Naim Frashërit

LEXO MË SHUMË

Naim frasheri

Përkujtohet 178-vjetori i lindjes së Naim Frashërit

studenti-univerzitet-sv-Kiril-i-Metodij-6

Një e katërta e të rinjve në RMV punojnë gjatë shkollimit

shkolla-nxenes-klasa

Qeveria e re premton reforma në arsim

ohri ohrid

Mbrojtja e liqenit të Ohrit i kalon Ministrisë së Mjedisit

emin azemi

“Dallëndyshja e kujtesës”, rikthehet në Tetovën e Nexhat Pustinës

halil-kastrati-696x372

Erdogani i jep “Çmimin e Mirësisë” Halil Kastratit

hkolla_klasa_derrasa_e_zeze_sindikata greve

Tetova sivjet me 123 filloristë më pak – Në klasë të parë pritet të regjistrohen 838 nxënës

matura-shteterore-provimi

Maturantët në dilemë për të ardhmen e tyre

Shkolla Vizbeg

Në shkollën e Vizbegut po bëhet regjistrimi i klasave të para! Elezi: Në shtator mësimin do e fillojnë nga klasa e parë deri të pestën

INFO

NA NDIQ