Diego Simeone do të largohet nga Atletico Madrid në fund të sezonit, është bërë e ditur në emisionin spanjoll “El Chiringito”.
Atlético po luan një sezon të keq, aktualisht është e pesta në Primera Division dhe në Champions League nuk arriti të kalojë grupin që përfshinte Brugge, Porto dhe Bayer Leverkusen.
Simeone ka qenë në pankinën e Atléticos, klubi ku ai kaloi pesë vjet si lojtar, që nga viti 2011. Në vitin 2014, ai i solli klubit madrilen titullin e kampionit të Spanjës, i pari që nga viti 1996. Shtatë vjet më vonë, Simeone dhe Atlético u bënë përsëri kampionë të Spanjës.
Me klubin madrilen, argjentinasi fitoi dy tituj të Europa League, dy Superkupa Evropiane, Kupën e Mbretit dhe dy herë luajti në finalen e Ligës së Kampionëve.
