Skandal me linjën e ‘Wizz Air’. Disa fluturime që ishin planifikuar të kryheshin nga Rinasi drejt Italisë, janë shtyrë.
Të shumtë kanë qenë qytetarët që kanë telefonuar pranë News24 ku kanë shprehur shqetësimin e tyre. Ata pohuan se fluturimi Tiranë-Romë është shtyrë nga ora 06:15 për në 13:45, ndërsa Tiranë-Milano u shty nga ora 06:00 për në 15:35.
Sipas udhëtarëve kjo shtyrje është papërgjegjshmëri, pasi do i duhet të presin me orë të tëra në aeroport, ndërsa mes pasagjerëve ka dhe fëmijë të vegjël.
“Nuk na kanë dhënë asnjë shpjegim për shtyrjen”, thanë ata News24.
Kjo nuk është hera e parë që ndodh një situate e tillë me këtë kompani fluturimi, ndërsa askush nuk mban përgjegjësi për dëmet që i shkaktohen nga pritja qytetarëve, të cilët nisën jashtë shtetit për vizita mjekësore, takime punë, apo qoftë dhe për turizëm.
