Një familje shqiptare, e cila kishte zgjedhur bregdetin e Malit të Zi për të pushuar, u përball me një situatë të paprecedentë nga një grup pushuesish serbë.
Këta të fundit, përmes provokimeve kanë detyruar familjen shqiptare që të largohet nga plazhi, duke e cilësuar këtë si mburrje.
Nga një video e publikuar në rrjetet sociale, duket një familje shqiptare, me një peshqir me simbolin e Flamurit Kombëtar, e cila përballet me provokimet e serbëve.
Dhe për të shmangur një agravim të situatës, familja shqiptare ka zgjedhur të largohet nga plazhi, ndërsa pushuesit serbë, në çadrën ngjitur, kishin varur në një prej çadrave buzë detit një flamur të Serbisë, sikundër kanë nisur të këndojnë dhe provokojnë me simbolet serbe shqiptarët.
