Skuadra shqiptare Deçiqi Admiral Bet nga Tuzi është fitues i Kupës së Malit të Zi.
Deçiqi ka shkruar historinë, për herë të parë ka fituar trofeun e Kupës, për gati një shekull që ekziston si klub, përcjell Bota Sot.
Deçiqi ka shënuar fitore me rezultat 1:0 ndaj Mornarit të Tivarit, në finalen që u zhvillua në Nikshiq.
Skuadra shqiptare krahas që ka fituar trofeun, ka siguruar kalimin në garat evropiane përkatësisht në Conference League.
Një krosim i Dreshajt nga e djathta, reagim i dobët nga mbrojtja e Mornarit, dhe një realizim mjeshtëror nga futbollisti Asmir Kajeviq, i cili “e shtyu” topin mbi Dragojeviqin që vraponte, ku i solli fitoren e madhe Deçiqit pikërisht në minutën e 23-të.
Skuadra nga Tuzi mund të kishte shënuar edhe golin tjetër në minutën e 40-të.
Braziliani Augusto Çagas gjuajti nga rreth 25 metra por traversa ia mohoi golin.
Presidenti i klubit shqiptar, Pal Dreshaj, është në festë me djelmoshat e artë.
Ky është sukses i dytë më i madhi i këtij klubi, pasi që ishin kampion të Malit të Zi në edicionin 2023-2024./Bota Sot
