Sot vaksimi i deputetëve në Maqedoninë e Veriut

Ministria e Shëndetësisë informon se sot do të realizohet vaksinimi i deputetëve në sallën e sporteve “A1 SC Boris Trajkovskil” .

Vaksinimi i deputetëve do të bëhet në tre grupe, nga ora 10 e mëngjesit deri në ora 6 pasdite.Më 14 të këtij muaji, shërbimet parlamentare u vaksinuan.

Vaksinimi i deputetëve dhe punonjësve të Kuvendit është thelbësor për funksionimin normal të legjislaturës dhe miratimin e qetë të ligjeve në interes të qytetarëve. Që nga fillimi i imunizimit në vendin tonë, sipas Strategjisë Kombëtare, janë shënjestruar tre grupe kryesore me përparësi për të siguruar funksionimin e sistemit shëndetësor, për të mbrojtur njerëzit në rrezik më të lartë të sëmundjes, komplikimeve dhe vdekjes, si dhe mirëmbajë shërbimet themelore të kujdesit kritik.

Vaksinimi i të rriturve të moshës 73 dhe 74 është duke u zhvilluar në sallën “Boris Trajkovski” në Shkup, dhe personat më të vjetër se 73 janë duke u vaksinuar në qendrat shëndetësore në të gjithë vendin. Javën e ardhshme, me mbërritjen e dozave të reja të vaksinave, do të ketë një ndryshim në renditjen e përparësive dhe kalimin e grupeve me përparësi ose nën-përparësi nga një fazë e vaksinimit në një tjetër. Ministria e Shëndetësisë apelon tek qytetarët të cilët dëshirojnë të vaksinohen të regjistrohen në vakcinacija.mk.