Në Universitetin “Shën Kirili dhe Metodi” në Shkup sot do të zhvillohen zgjedhjet për rektorin e ri. Në garë janë gjashtë kandidatë, kryesisht profesorë të njohur me tituj në fushat e tyre.
Në garë janë: Biljana Angelova nga Instituti Ekonomik, Goran Ajdinski nga Fakulteti Filozofik, Ratko Duev nga Fakulteti Filozofik; Atanas Koçov nga Fakulteti i Inxhinierisë Mekanike, Hristina Spasevska nga Fakulteti i Inxhinierisë Elektrike dhe Teknologjive Informative (FEIT) dhe Dimitar Tashkovski nga Fakulteti i Elektroteknikës dhe Teknologjive Informative (FEIT).
Në listën unike të votuesve të Universitetit janë të regjistruar 1419 zgjedhës, votimi do të zhvillohet në mënyrë të fshehtë në periudhën nga ora 12:00 deri në orën 14:00. Votimi do të bëhet në 23 fakultete dhe pesë institucione në kuadër të këtij universiteti.
Sipas orarit të organizimit të zgjedhjeve, deri në fund të ditës duhet të shpallen rezultatet për shpalljen e rektorit të ri që do të zëvendësoj ate aktual Nikolla Jankullovski.
Mandati i rektorit të ri do të jetë nga data 16 shtator 2023 deri më 15 shtator 2026.(INA)
