Ministri i Punëve të Brendshme, Oliver Spasovski sot mohoi akuzat që Aleksandar Nikolovskit nga VMRO-DPMNE i bëri në ClickPlus në TV21, ku tha se LSDM u jep prokurime të ndjeshme të sektorit të sigurisë kompanive të cilat janë në listë të zezë nga Shtetet e Bashkuara të Amerikës. Spasovski tha se kompani të tilla nuk janë bashkëpunëtorë të Ministrisë së Punëve të Brendshme.
“Të gjitha furnizimet që bëhen, publikohen në Byronë për Prokurime Publike. Mund të shihni çdo furnizim që është bërë, kështu që në këtë pjesë procedurat zhvillohen në mënyrë shumë transparente. E tani, rreth furnizimeve që bëhen në pjesën e sigurisë, ata janë furnizime shumë të vogla dhe këto kompani që gjenden në lista të zeza nuk janë për momentin bashkëpunues të Ministrisë”, deklaroi Spasovski.
