Oliver Spasovski në emisionin “Studio 10” theksoi se nuk ka dashur që të mbaj postin e ministrit të brendshëm dhe se ka ofruar një kuadër tjetër që të vijë në pozitën e tij drejtuese në MPB.
“Kemi pasur disa takime me Kovaçevskin në të cilat kemi diskutuar për këtë temë. Jam ofruar që të gjej një person tjetër që do ta drejtojë MPB-në”, tha Spasovski mëngjesin e sotëm në studion televizive.
Sipas tij, në mandatin që ka drejtuar MPB-në është reformuar edhe Agjencia e Sigurisë Kombëtare dhe se nuk ka pasur më përgjime të qytetarëve.
Ai tha se aktualisht po përgatitej të instalonte kamerat e trupit tek oficerët e policisë, përfshirë ato në pikat kufitare.
“Ka një procedurë të veçantë dhe e gjithë ajo ngjarje dhe kontroll regjistrohet me kamerën trupore nga e cila drejtpërdrejt nxirret i gjithë materiali në softuer të veçantë që kontrollohet”, tha Spasovski. (INA)
