Në një prej El Klasikove më dramatike dhe më të paharrueshme të dekadës, Barcelona ka mposhtur Real Madridin me rezultat spektakolar 4:3 (4:2) në kuadër të xhiros së 35-të të La Ligës, duke siguruar praktikisht titullin kampion të Spanjës.
Në një ndeshje që do të mbetet gjatë në kujtesën e tifozëve, Kilian Mbappé realizoi het-trik, por as kjo nuk mjaftoi për të ndalur furinë katalanase. Ferran Torres shkëlqeu me tri asistime, ndërsa dyshja Rafinha-Jamal “vallëzoi” me mbrojtjen madrilene, duke i dhënë fitoren Barcelonës në një ndeshje të çmendur.
Mbappé e nisi fuqishëm me dy gola në minutat 5 dhe 14, duke e futur Barcelonën në nokdaun. Por katalanasit reaguan shpejt – Garsia ngushtoi në minutën e 19-të, ndërsa Jamal barazoi në të 32-tën. Në vazhdim, Rafinha realizoi për 3:2 dhe më pas për 4:2, pas një momenti të diskutueshëm me VAR që anuloi një gol tjetër të Mbappé.
Në pjesën e dytë, Barcelona dominoi edhe pse kishte epërsinë, duke treguar vendosmërinë për të mbyllur sezonin me stil. Një tjetër gol i Mbappé u anulua për pozitë jashtë loje, ndërsa tifozët në “Spotify Camp Nou” shpërthyen në festë.
Ky ishte El Klasiko i emocioneve, kthesave dhe spektaklit të pastër – një ndeshje për historinë!(INA)
