Spitali i Strumicës nuk ka krevate të lira për trajtimin e pacientëve me Kovid-19

0
Foto Ilustrim

Të gjithë 39 shtretërit e dedikuar për trajtimin e pacientëve me kovid në spitalin e Strumicës janë të mbushura dhe çdo ditë rreth njëzet pacientë vijnë në trajtimin ambulator me pasqyrë më të lehtë klinike, informoi sot drejtori i spitalit, Naqe Gogov.

“Kapaciteti i Repartit të sëmundjeve infektive prej 20 shtretërish tashmë është mbushur, dhe që nga dje qendra kovid me një kapacitet prej 19 shtretërish është mbushur. Tani për tani, ne arrijmë me burimet tona t’u përgjigjemi nevojave të pacientëve, por nëse vazhdon trendi i rritjes së numrit të infektuarve të sapo infektuar, do të duhet të zgjerojmë kapacitetet”, tha drejtori Gogov.

Për shkak të mungesës së personelit mjekësor, menaxhmenti i spitalit kohët e fundit i kërkoi ministrisë përkatëse të lejonte sistemimin e dhjetë mjekëve shtesë nga spitalet e tjera në vend dhe pranimin e gjashtë infermierëve.

“Nëse nuk ka mjete për pranimin e infermierëve të rinj, atëherë le të na punësojnë me kontratë që të mund të funksionojmë”, shtoi Gogov.

Deri më tani, 558 persona me Kovid-19 janë regjistruar në zonën e mbuluar nga Qendra për Shëndet Publik në Strumicë, dhe aktualisht 358 raste të moshave të ndryshme janë aktiv.