Ndërsa arbitri njohu një gabim, në golin e mohuar Luis Diaz, të dielën gjatë humbjes së “Reds” kundër Tottenham (1-2), trajneri i Liverpool beson se ndeshja duhet të riluhet.
Jurgen Klopp ende nuk mund ta harrojë atë që ndodhi në Premier League në ndeshjen ndaj Spurs.
Katër ditë pas humbjes së ekipit të tij në fushë ndaj Tottenham (1-2) në konferencën për shtyp të kësaj të mërkure, ku do të diskutohej mbi Europa League dhe pritjen e Union Saint-Gilloise (të enjten në orën 21:00), trajneri i “Reds” gjeti mundësinë dhe i është rikthyer përsëri ngjarjeve të fundjavës.
Të shtunën, pas fishkëllimës së fundit, arbitri anglez në fakt kishte njohur një gabim në golin e anuluar të Luis Diaz. Rezultati: një ndeshje e humbur për Liverpool-in dhe një pranim që shkon keq nga ana e trajnerit gjerman.
“Jo si trajner, por më tepër si futbollist, mendoj se e vetmja rrugëdalje duhet të jetë riluajtja e ndeshjes”, tha ai këtë të mërkurë, përpara se të saktësonte se nuk ishte “i zemëruar” me gjyqtarët: “Ata nuk e bënë me qëllim dhe këtë nuk duhet ta harrojmë.”
