Sekretari i Përgjithshëm i NATO-s, Jens Stoltenberg, gjatë takimit dyditor të diplomatëve të aleancës në Oslo, ka thënë se dhuna ndaj paqeruajtësve të KFOR-it në Kosovë është “krejtësisht e papranueshme”, raporton Reuters.
Ai më herët deklaroi se NATO do të dërgojë edhe 700 ushtarë shtesë në Kosovë dhe se një batalion tjetër do të vihet në gatishmëri të lartë. kreu i Aleancës Veriatlantike “dënoi fuqishëm sulmet e paprovokuara ndaj trupave të KFOR-it në veri të Kosovës, të cilat çuan në plagosjen e 30 paqeruajtësve”.
Stoltenberg shpjegoi se KFOR-i “do të marrë hapat e nevojshëm për të normalizuar dhe garantuar sigurinë”. Ai i bëri thirrje Beogradit dhe Prishtinës që të marrin masa për të parandaluar përshkallëzimin e mëtejshëm të situatës.(INA)