Stoltenberg njofton për blerjen e raketave të reja për NATO-n, vlera arrin deri në 700 mln dollarë

Picture of INA
INA

10/07/2024

NATO ka porositur raketa kundërajrore të llojit Stinger në vlerë prej pothuajse 700 milionë dollarësh në emër të disa shteteve anëtare, tha sekretari i përgjithshëm i aleancës, Jens Stoltenberg.

“Sot, NSPA-ja [Agjencia për prokurim e NATO-s] ka nënshkruar një kontratë të re shumëkombëshe për raketat Stinger, në vlerë prej pothuajse 700 milionë dollarësh”, tha ai gjatë takimit të udhëheqësve të industrisë së mbrojtjes në margjinat e samitit të NATO-s në Uashington.

Kontrata e fundit për këto loje raketash, që prodhohen nga RTX’s Raytheon, ishte nënshkruar në maj të vitit 2022, kur ushtria amerikane bleu raketa në vlerë prej 625 milionë dollarësh për të mbushur stoqet, pasi dërgoi armë në Ukrainë.

Këto lloje raketash, që vendosen në krah, kërkohen shumë në Ukrainë, pasi armë të tilla kanë qenë të suksesshme në ndalimin e sulmeve ajrore të Rusisë, shtet që ka nisur pushtimin e Ukrainës më 2022.
Udhëheqësit e aleancës ushtarake të Perëndimit mblidhen sot në Uashington.

Samiti vjetor i NATO-s, që do të zgjasë deri më 11 korrik, përkon me 75-vjetorin e themelimit të saj dhe zhvillohet derisa lufta në Ukrainë vazhdon.

Agjenda e samitit treditor pjesërisht është lënë nën hije nga shqetësimet lidhur me moshën dhe aftësinë e presidentit amerikan, Joe Biden, që të udhëheqë me shtetin, pasi shanset e tij për fitore në zgjedhjet presidenciale të nëntorit u dëmtuan nga paraqitja e tij në debatin e parë presidencial kundër Donald Trumpit muajin e kaluar.

Ukraina do të jetë lartë në agjendën e samitit, por Kievi nuk pritet që të marrë ftesë zyrtare për t’u bashkuar me aleancën e NATO-s. Presidenti ukrainas, Volodymyr Zelensky, po merr pjesë në këtë samit dhe sapo arriti në Uashington, ai tha se do t’i kërkojë NATO-s zotime shtesë, përfshirë avionë shtesë, por edhe garanci të sigurisë.

Pavarësisht se NATO tha se Ukraina do të jetë në krye të agjendës së samitit, Kievi nuk pritet që të marrë ftesë zyrtare për t’u bashkuar me aleancën e NATO-s.

Michael Carpenter, drejtor i lartë për NATO në Këshillin e Sigurisë Kombëtare, u tha gazetarëve më 8 korrik se aleatët do të njoftojnë për masa të reja që do të rrisin sigurinë e Ukrainës, përfshirë edhe avionët luftarakë F-16, por nuk dha më shumë detaje.

Një zyrtar i NATO-s, që foli me gazetarët në kushte anonimiteti, tha se pavarësisht se i janë shterur burimet, Rusia me gjasë do të mund të vazhdojë luftën për tre-katër vjet.

Megjithatë, ky zyrtar shtoi se Kremlini nuk ka municione dhe trupa që të nisë një ofensivë të madhe kundër Ukrainës në një të ardhme të afërt.

Ndërkaq, përveç anëtarëve të NATO-s, katër partnerët e aleancës në Indo-Paqësor – Australia, Japonia, Zelanda e Re dhe Koreja e Jugut – janë tashmë pjesëmarrës të rregullt në samitet e aleatëve.

Në Uashington do të jenë edhe përfaqësuesit e të gjithë partnerëve të NATO-s, përfshirë Bashkimin Evropian.

Kosova, po ashtu, është përfshirë për herë të parë në një ngjarje në kuadër të samitit.

Presidentja Vjosa Osmani mori pjesë në aktivitetin e organizuar nga Departamenti amerikan i Shtetit për Gratë, Paqen dhe Sigurinë./ Radio Evropa e Lirë

TË FUNDIT
2 orë
Qeveria emëroi disa drejtorë
4 orë
Sonte në Tetovë “Diaspora në objektivin e Ixhet Lutfiut”, filmi dokumentar që dëshmon për rolin shqiptarëve në Danimarkë
5 orë
Antikorrupsioni/ Punësime gjatë zgjedhjeve – inicohet procedurë kundër një ish zv/ministri?!
5 orë
Ministri Taravari realizon edhe një premtim: Deri në fund të vitit do të punësohen 300 specializantë privat
7 orë
Toshkovski: LSDM po mbron krimet e BDI-së! Do të nisim procedura ndaj të paprekshmëve

ME TE LEXUARA

1 ditë
A është e mundur që ‘Simpsons’ parashikuan kandidaturën e Kamala Harris? Ky është një episod nga viti 2000
9 orë
Shkrimi nga Sarajeva që shkaktoi reagime në Kosovë, përmendi dy portalet kosovare se marrin para nga Serbi
1 ditë
Serwer: Harrisit mund t’i duket Kosova si Tajvani e Ukraina
8 orë
Edi Rama jep lajmin e mirë për pushuesit në plazhin publik të Vlorës
1 ditë
Kasami: BDI 20 vjet nuk e bëri decentralizimin, po harxhojnë paratë që fituan derisa ishin në pushtet
7 orë
Një 26-vjeçar dyshohet se tentoi ta vriste kryetarin e komunës së Haraçinës
1 ditë
Kamala Harris siguron mbështetjen e demokratëve, grumbullon 81 milionë dollarë fonde për fushatën
7 orë
Toshkovski: LSDM po mbron krimet e BDI-së! Do të nisim procedura ndaj të paprekshmëve

LEXO MË SHUMË

qeveria e maqedonise

Qeveria emëroi disa drejtorë

Ixhet-Lutfiu-

Sonte në Tetovë “Diaspora në objektivin e Ixhet Lutfiut”, filmi dokumentar që dëshmon për rolin shqiptarëve në Danimarkë

IMG_0039

Antikorrupsioni/ Punësime gjatë zgjedhjeve – inicohet procedurë kundër një ish zv/ministri?!

arben taravari

Ministri Taravari realizon edhe një premtim: Deri në fund të vitit do të punësohen 300 specializantë privat

Pançe Toshovski

Toshkovski: LSDM po mbron krimet e BDI-së! Do të nisim procedura ndaj të paprekshmëve

ridvan ibrahimi

Një 26-vjeçar dyshohet se tentoi ta vriste kryetarin e komunës së Haraçinës

IMG_4667

Edi Rama jep lajmin e mirë për pushuesit në plazhin publik të Vlorës

IMG_4668

Shkrimi nga Sarajeva që shkaktoi reagime në Kosovë, përmendi dy portalet kosovare se marrin para nga Serbi

ahmeti drin ali

VLEN për kallëzimin penal të nipit të Ali Ahmetit

INFO

NA NDIQ