Stoltenberg të martën vjen në Maqedoninë e Veriut

ina-online
ina-online

19/11/2023

Sekretari i Përgjithshëm i NATO-s, Jens Stoltenberg, do të udhëtojë sot në Sarajevë, si fazë e parë e turneut të tij nëpër katër vende të Ballkanit Perëndimor.

Të martën pasdite ai pritet të mbërrijë në Shkup, ku do të qëndroj për dy ditë, përcjell INA.

Siç njoftoi NATO-ja, turneu nëpër rajonin e Stoltenberg do të fillojë me një darkë pune me anëtarët e Presidencës së Bosnje-Hercegovinës, ndërsa nesër do të ketë takime me përfaqësuesin e lartë të bashkësisë ndërkombëtare për BeH, Christian Schmitt dhe me kryetaren e Këshillit të Ministrave të Bosnje dhe Hercegovinës, Borjana Kristo.

Pas këtyre bisedimeve, Stoltenberg do të ketë takime me udhëheqës ushtarakë dhe përfaqësues të bashkësisë ndërkombëtare në BeH, në selinë e NATO-s në Sarajevë.

Nga Sarajeva, personi i parë i Aleancës nesër pasdite do të udhëtojë drejt Prishtinës për takime me Presidenten dhe kryeministrin e Kosovës, Vjosa Osmani dhe Albin Kurti.

Më pas ai do të vizitojë Komandën e Forcave të NATO-s në Kosovë, ku do të takohet me komandantin e KFOR-it, gjeneralmajor Ozkan Ulutash dhe me Drejtorin e Ekipit Ndërlidhës Këshillimor të Aleancës, gjeneral brigade Christian Ludwig von Hammerstein, dhe do të ketë një fjalim pranë ushtarëve të angazhuar në misionin e KFOR-it.

Të martën në mëngjes, Stoltenberg do të jetë në Beograd për bisedime me presidentin serb Aleksandar Vuçiq dhe kryeministren Ana Brnabiq.

Sekretari i Përgjithshëm i NATO-s pasdite nga Beogradi do të udhëtojë për në Shkup, ku do të takohet me shefin e shtetit Stevo Pendarovski, kryeministrin Dimitar Kovaçevski dhe kryeparlamentarin Talat Xhaferi, si dhe do të ketë një fjalim para deputetëve në Kuvend.

Të mërkurën në mëngjes, Kovaçevski dhe Stoltenberg kanë planifikuar të takohen në Shkup me liderët e vendeve anëtare të NATO-s nga rajoni: presidentin kroat Zoran Milanoviç dhe kryeministrat e Shqipërisë, Edi Rama, të Sllovenisë, Robert Golob dhe të Malit të Zi, Milojko Spajiq.(INA)

ME TE LEXUARA

LEXO MË SHUMË

policia-haracine

Incident në Kumanovë, një person i plagosur me armë zjarri

ali ahmeti tropoje

Grubi: Krenar që jemi të reshtuar krah Liderit të Shqiptarëve në Maqedoninë e Veriut

ali ahmeti tropoje

Ali Ahmeti mori titullin Qytetar Nderi i Tropojës, Grubi: Krenar që jemi të reshtuar krah liderit të shqiptarëve në Maqedoninë e Veriut

Zejneli redaksia enciklopedia

Rektori i UT-së, Prof. Dr. Jusuf Zejneli i priti në takim anëtarët e redaksisë së posaçme në RMV për hartimin e Enciklopedisë Shqiptare

vrasesit vanja palevski

Palevski ka ikur në Bjellorusi?

Ageler

Ambasadorja Ageler: SHBA-të do të vazhdojnë me sanksionimin e aktorëve të korruptuar!

Edward-Joseph Zhoze

​Edward Joseph: Daçiq në Shkup shkeli Marrëveshjen e Ohrit, ShBA e BE të jenë të vëmendshme

angjushev koco

Koço Angjushev futet në listën e zezë të SHBA-ve

Validin Ademi

Lëvizja BESA: Rezultatet e “PISA” – BDI me sukses e shkatërroi arsimin (VIDEO)

INFO

NA NDIQ