Eksodi dhe braktiisja e vendlindjes po faktohet në shifra edhe në regjistrimin e nxënësve në klasën e parë në SHFK”Nuri Mazari”-Dollogozhdë, dhe shkollat periferike: Koroshishtë, Livadhi, Zhepin dhe Pohum .
Sipas informacionit të dhënë nga shërbimi pedagogjik z. Mevlur Lloga, në afatin e regjistrimit në muajin maj, gjendja është si më poshtë:
Dollogozhdë: Në listë për regjistrim figurojnë 37 nxënës.
Të regjistruar janë 6 nxënës!
Koroshishtë: Në listë për regjistrim figurojnë 27 nxënës.
Të regjistruar janë 7 nxënës!
Livadhi: Në listë për regjistrim figurojnë 18 nxënës.
Të regjistruar janë 2 nxënës.
Në Zhepin: Në listë për regjistrim figurojnë 8 nxënës.
Të regjistruar 3 nxënës, në shkollën e f.
Koroshishtë me kërkesën e prindërve.
Në f. Pohum: Në listë për regjistrim ka 1 nxënës.
1 nxënës do të regjistrohet.
Sipas informacioneve që disponojmë, ky numër në afatin e dytë të regjistrimin mundet të pësojë ndryshime por jo që do ta ndryshoj shumë strukturën e nxënësve informon Lloga.
Nga shkolla fillore ”Nuri Mazari” deri në vitin 2000-10 në këtë institucion arsimor kanë mësuar 1500 nxënës.
Zvogëlimi i numrit të nxënësve në komunën e Strugës me ritme të shpejta filloi të bëhet prezent dekadës së kaluar si rezultat i migrimit në masë të struganëve në botën perëndimore. Ndërkohë, goditjen e fundit duket se po e jep migrimi drejt Gjermanisë efekte që tashmë po duken.
Ndërkohë, duhet thënë se një faktor determinues që ka kontribuar për këtë eksod apoliptik ka qënë mos-pasja e një strategjie parandaluese nga vendimarrësit që nuk ditën apo nuk deshën ti dalin para kësaj gjëme.
Padyshim një faktor nxitës indirekt ka rezultuar nepotizmi në punësime,një sistem i kalbur dhe i korruptuar në themel i padrejtë ndaj më të dobtit.
Nesë kjo situatë vazhdon me këto ritme nuk do të jetë e largët dita që jo vetëm shkollat do të mbyllen por shqiptarët nga një komunitet shumicë të shndërrohen në pakicë në Strugë.(Strugalajm.com)