Policia ka paraqitur kallëzim penal kundër një objekti hoteliere dhe kundër A.R. nga Struga, pronar i objektit, për shkak të ekzistimit të shkaqeve të dyshimit për vjedhje të energjisë elektrike.
“Më datë 17.01.2025, gjatë një kontrolli u konstatua se në objektin e hotelierisë ishte vendosur një pajisje, e cila manipulonte matësin e energjisë elektrike dhe kështu nuk afishohej konsumi aktual i energjisë elektrike. Në atë mënyrë është dëmtuar EVN Group Macedonia në vlerë prej 260.045 denarë”, njoftuan nga MPB.
Siç mësohet gjobat e EVN lidhur me këto raste janë tejet të larta.(INA)
