Lidhur me sulmin e 24 shtatorit në Banjskë në veri të Kosovës ambasadori amerikan, Jeffrey Hovenier theksoi se sulmi nuk ishte spontan dhe se kishte armë shumë të sofistikuara.
“Duhet të ketë një strukturë, zakonisht strukturë shtetërore që ua ofron ato armë”, tha ai për Zërin e Amerikës.
“Ne e dimë se pjesa më e madhe e materialit që ata lanë pas, ishte me origjinë nga Serbia. E dimë se një individ Milan Radoiçiq, i cili ishte nënkryetar i partisë Lista Serbe bëri një deklaratë publike përmes avokatit të tij, duke marrë përsipër përgjegjësinë dhe duke thënë se kishte organizuar sulmin dhe kishte marrë përsipër në të. Këto janë gjëra që i dimë dhe po përpiqemi të kuptojmë më shumë rreth sulmit”, nënvizoi ambasadori Hovenier.
