Asociacioni i Gazetarëve të Kosovës ka bërë të ditur se gazetarët që janë duke raportuar nga Zveçani janë sulmuar nga protestuesit lokalë.
Sipas AGK-së, gazetarët janë sulmuar pasi kanë tentuar të filmojnë momentin e sulmit ndaj veturës së Policisë së Kosovës.
“Në një video dërguar AGK-së, shihet se protestuesit urdhërojnë që të mos xhirohet, kështu duke i shkuar nga prapa e pastaj sulmuar në bark, gazetarin e RTV 21, Burim Zariqin, njëherësh anëtarin e Bordit të AGK-së”, thuhet në njoftimin e AGK-së.
Tutje, AGK u ka bërë thirrje të gjithë gazetarëve që po raportojnë nga veriu që të kenë kujdes të shtuar.
“AGK-ja, njëherësh ju bën thirrje organeve kompetente, që të marrin masa për t’i siguruar gazetarët që gjenden në këto komuna”, thuhet në reagim.
Por me një sulm verbal është përballur edhe reporteri i ATV.
Shiko sulmin KËTU