Sulmuesi i panjohur, i cili qëlloi Rade Trajkovski – Shtekli dhe shoqëruesin e tij 23-vjeçar kolumbo të martën në qendrën tregtare “East Gate Mall” në Shkup, me siguri ka pasur një bashkëpunëtor, raportojnë disa media duke cituar burime të hetimit, shkruan Plusinfo.
Sipas portalit, sulmuesi po priste viktimat e tij në një lokal bastesh sportive në katin e parë nëntokësor të qendrës tregtare dhe personi që e ndihmoi ishte në katin e dytë, ku ndodhet edhe qendra e fitnesit, aty ushtroheshin rregullisht Shtekli dhe shoku i tij.
“Pas daljes nga qendra e fitnesit, pjesëmarrësi i dytë në pritë, vëzhguesi e ka informuar ekzekutuesin, i cili ishte tre nivele më poshtë në qendër, se objektivi ishte drejtuar për në vendin e planifikuar të pritës. Ekzekutuesi, i cili deri atëherë ishte në bastore, doli nga pika e basteve dhe kur Trajkovski dhe shoku i tij arritën nivelin -1 dhe filluan të zbresin në drejtim të garazhit me shkallë lëvizëse, ai iu afrua dhe i qëlloi nga pas deri në viktimat mund të fshiheshin ose të arratiseshin nga shkallët lëvizëse. Pasi qëlloi të dy, autori u arratis dhe po kërkohet ende”, shkruan Plusinfo.
Nga MPB thonë se është në kërkim masiv për sulmuesin, se për këtë janë formuar ekipe speciale, por deri më tani pa asnjë rezultat.
Ministri Oliver Spasovski tha se bëhet fjalë për grupe kriminale. “Dihet ekzaktësisht historia e sulmeve dhe konfliktet që kanë, praktikisht janë grupe kriminale, të cilat janë shkatërruar në masë të madhe dhe për të cilat ju kam informuar kohë më parë, në shumë veprime operative që kemi ndërmarrë”, theksoi ministri Spasovski duke shtuar se MPB po lufton aktivisht këto grupe kriminale që dikush i ka krijuar për 30 vjet. (INA)
