Një superkompjuter ka parashikuar se si do të duket tabela e Premier Ligës në fund të sezonit dhe ku do të përfundojnë Man. Junajtedi, Liverpulli dhe Arsenal. Man. Siti ka dalë çuditërisht nga blloqet këtë sezon, duke fituar katër nga katër ndeshjet e para për të rifituar vendin e tyre në krye të tabelës.
Ndërkohë, Totenham Hotspur, Liverpulli, Uest Ham dhe Arsenali, janë të gjithë në vendin e dytë me nga 10 pikë. Për herë të parë, pesë skuadra mund të kualifikohen në Ligën e Kampionëve të sezonit të ardhshëm, pasi UEFA konfirmoi se katër skuadra të tjera evropiane do t’i shtohen shortit në varësi të vendeve që performojnë më mirë në të gjitha garat e UEFA-s.
Të dhënat e “Opta”-s ,tani kanë parashikuar se kush do të përfundojë në gjysmën e parë të tabelës së Premier Ligës me Man. Junajted, Çellsi dhe Njukasëll që janë të prirur për të përfunduar jashtë top katërshes.
Është Man. Siti me një përqindje gjasash prej 99.93% për t’u kualifikuar në Ligën e Kampionëve dhe 0.06% për t’u kualifikuar në Ligën e Evropës. Liverpulli është në vendin e dytë, pavarësisht një sezoni zhgënjyes 2022/23 që pa skuadrën e Jurgen Klopp të përfundojë e pesta në Premier Ligën.
Nën-kampionët e sezonit të kaluar, Arsenali mbyll treshen e parë, me një shans 82.43% për t’u kualifikuar në Ligën e Kampionëve, përpara rivalëve të Londrës veriore Tottenham, të cilëve u është dhënë gjasë prej 31.68% për përfundimin brenda katërshes së parë.
Man. Junajtedi pritet të mungojë në katërshe pas një fillimi jo bindës të sezonit të tyre, i cili përfshinte humbjen ndaj Tottenham dhe Arsenal.
Ndërkohë, Çellsi pritet të përfundojë në vendin e 11-të, duke shënuar një përmirësim nga sezoni i kaluar, ku përfunduan në vendin e 12-të.
