Supremja mbajti seancën për rastin “Alfa”, Dauti: Rigjykimit po i hapet rruga

ina-online
ina-online

25/12/2023

Gjykata Supreme mbajti sot seancën publike për rastin e koduar “Alfa”, që ka të bëjë me vrasjen e një polici dhe plagosjen e dy të tjerëve në vitin 2008 në Shkup, e për të cilin u dënuan tre persona me burgim të përjetshëm dhe një me 6 vjet burg, shkruan gazeta LAJM.

Vendimi për seancën e sotme pritet të merret në janar të vitit të ardhshëm.

“U mbajt seanca dhe e njëjta nuk u anulua si deri tani. Jemi të kënaqur në aspektin profesional të gjykatës supreme e cila e mbaroi ashtu siç duhet këtë gjykim, këtë seancë. Vendim nuk mund të merret sot, në të njejtën ditë. Presim për vendimin ditët në vijim. Janë procedurat e gjykatës që duhet t’i presim. Me rëndësi është që u mbajt gjykimi”, tha për gazetën LAJM, Ramiz Dauti, i cili në vitin 2008 ishte i arrestuar bashkë me Agim Ismalin për këtë rast, por më pas u la i lirë.

Dauti, pret vendim pozitiv nëse, siç thotë, do të ketë gjykim të pa ndikuar nga politika.

“Ne presim që vendimi të jetë pozitiv, si për Almirin, si për Agimin pasi nuk kanë lidhje mes vete. Ne shpresojmë për një gjykim pozitiv. Vetëm të gjykohet drejtë dhe në mënyrë profesionale pa ndonjë ndikim politik. Ne jemi të bindur që do të shpallet diçka pozitive sepse flasim në bazë të fakteve dhe argumenteve që i posedojmë. Pas kësaj duhet të pritet të merret Gjykata Themelore me kërkesën tonë për rigjykim të rastit, konkretisht për Agimin”, u shpreh Dauti për gazetën LAJM.

Më 26 nëntor të vitit 2008 në Shkup ndodhi vrasja e një polici të njësitit “Alfa” Afrim Arifi, në afërsi të Fakultetit të Shkencave Matematiko-Natyrore ndërsa mbetën rëndë të plagosur edhe dy policë të tjerë.

Dy vite më vonë, më 30 prill të vitit 2010 për këtë vrasje u dënuan me burg të përjetshëm Rexhail Qerimi nga Opaja e Kumanovës dhe Agim Islami nga fshati Rashçe i Shkupit. Gjithashtu, me gjashtë vite burg u dënua edhe Ramadan Shaqiri. Derisa ishte në arrati, me burg të përjetshëm u dënua erdhe Almir Drplani, që më vonë u ekstradua në Maqedoni.

Ndërkaq, më 27 janar të vitit 2022 në Burgun e Idrizovës ndërroi jetë Rexhail Qerimi njëri nga të akuzuarit me burg të përjetshëm, në këtë rast.

TË FUNDIT

ME TE LEXUARA

LEXO MË SHUMË

Bujar Osmani

Rreziku nga Rusia – Ja kur hapet “kutia e Pandorës” sipas Bujar Osmanit!

IZETT-1392x928

Izet Mexhiti: Përplasjet e mia në BDI datojnë nga viti 2016 kur isha kundër koalicionimit me Nikolla Gruevskin

IMG_9321

VIDEO/Pajaziti: Premtimet e Ali Ahmetit për heqjen e 20%, reprizë që 20 vite vazhdimisht përsëritet

Taravari Gostivar

Taravari: Për pak orë mblodhëm 8 mijë nënshkrime

policia-haracine

Detajet për vrasjen në Bllacë të Shkupit / 57 vjeçari Zelqif Tusha gjendet i vrarë nga vëllau i tij

policia-mk

Vrasje në Bllacë, krisma armësh

imer

Selmani: Për demokracinë do të ishte e shëndetshme që presidenti të zgjidhet në Kuvend

autobus-besa

Aktvendimi për “Besa Transin” do të shpallet më 7 mars

Pasaporta_Radhe_Prolet-780x470 (1)

Mërgimtarët “vërshojnë” sportelet e MPB-së, paguajn trefish për pasaportat

INFO

NA NDIQ