Sveçla: Situatën në veri e de-eskaluam me ndihmën e ndërkombëtarëve, por kjo është e përkohshme

Iliria News Agency
Iliria News Agency

01/01/2023

Ministri i Punëve të Brendshme, Xhelal Sveçla pret sërish provokime nga Serbia. Ai në një intervistë për mediumin zviceran, “20 minuten” tha se është i bindur se provokimet “nuk do të ndalen”.

Ndikimi i drejtpërdrejtë i presidentit serb, Aleksandar Vuçiq në tensionimin e situatës në veri të Kosovës, Sveçla thotë se “erdhi në formën e mobilizimit, financimit dhe mbështetjes logjistike”.

“Përveç kësaj, ishin forcat e armatosura serbe, të cilat ishin vendosur në kufi si kërcënim. Sigurisht që ka pasur ndikim edhe nga Rusia si dhe nga organizatat kriminale në rajon, të cilat për vite me radhë e kanë keqpërdorur veriun e Kosovës si pikë transporti për mallra, drogë, madje edhe njerëz dhe kanë mundur të nxjerrin fitime të mëdha. Të gjithë këta faktorë janë kombinuar për të destabilizuar jo vetëm veriun e Kosovës, por të gjithë vendin”, tha ai.

Sveçla thotë se heqja e barrikadave u arrit “me ndihmën e partnerëve”, por s’është shumë optimist për atë se çfarë do të ndodhë në vazhdim, përcjell Gazeta Express.

“Me ndihmën e partnerëve tanë, ne kemi arritur gjithashtu ta sjellim një de-eskalim, por bazuar në përvojën e kaluar kjo është padyshim vetëm e përkohshme”, tha ai.

Për situatën në veri të vendit, Sveçla thotë se “ishim dhe jemi të shqetësuar, por aspak të frikësuar”.

“Analiza e situatës bazohet në fakte dhe arsye ekzistuese. Por skenarët e paarsyeshëm nuk mund të përjashtohen plotësisht. Aktualisht jemi dëshmitarë të një lufte në Europë, në të cilën një despot ka ndjekur synime të errëta për Ukrainën dhe rajonin, duke kapërcyer vijat e kuqe që deri vonë dukeshin të paimagjinueshme”, shprehet Sveçla.

I pyetur se a dëshiron që palët ndërkombëtare të përfshihen më shumë në zgjidhjen e situatës në veri të vendit, Sveçla u përgjigj kështu:

“Të jemi të qartë: Serbia nuk është palë e punëve të brendshme në Kosovë, por më së shumti agresore. Serbia është palë vetëm në diskutimin për normalizimin e marrëdhënieve mes dy vendeve. Vetëm autoritetet e Kosovës janë kompetente për çështjet që kanë të bëjnë me organizimin e brendshëm të Kosovës. Kjo bëhet në partneritet dhe në bashkëpunim me komunitetin ndërkombëtar”.

Ai tha se uron që Kosova “të ketë fqinjë vetëm shtete demokratike”, ndërsa foli për mungesën e demokracisë në Serbi.

Për situatën në veri, edhe një herë, Sveçla tha se është “i bindur se rendi dhe ligji së shpejti do të triumfojë edhe atje”.

TË FUNDIT

ME TE LEXUARA

LEXO MË SHUMË

IMG_1059

Reagimet nga SHBA, Franca, Britania dhe Egjipti

raketa

Izraeli: Do përgjigjemi ndaj çdo shteti që lejon kalimin e dronëve nga Irani

IMG_1058

Irani thotë se ka përfunduar me sulmin ndaj Izraelit, i kërkon SHBA-së të “qëndrojë larg”

bujar osmani

Sulmi i Iranit ndaj Izraelit, Osmani: Dje paralajmërova, t’i themi stop fushatës së zezë dhe luftës hibride

IMG_1055

Mexhiti në Kumanovë: Na duhen njerëz që punojnë, e jo që flasin dhe zhvasin

IMG_1054

Taravari: Fitorja jonë vjen për shkak të bashkimit, nuk ka alternativë tjetër përveç ndryshimit

2e2960a3-c8a2-44b9-b1e2-1a8b2b89134c

Kasami nga Kumanova: Ndryshimi po vjen! VLEN së shpejti do udhëheq Qeverinë dhe të gjitha komunat shqiptare

IMG_1049

Fronti Europian në Prespë/ Ahmeti: Fronti Europian dinë vetëm të fitojë

FB_IMG_1713028144302

Taravari takim në Kumanovë me Shpëtim Pollozhanin: Shumica e të burgosurve politikë në raste të montuara janë shqiptarë

INFO

NA NDIQ