Procesi historik gjyqësor për rastin “Syri i gjarprit”, pas 16 vitesh gjyq, ka dalë jashtë përdorimit me ndryshimet e miratuara në Kodin Penal, pa një vendim përfundimtar.
Pas më shumë se një dekade e gjysmë në gjykata, 38 të pandehur kanë përfunduar më në fund procesin gjyqësor dhe njoftojnë se do të padisin shtetin dhe do të kërkojnë dëmshpërblim maksimal, përcjell INA.
Për ta ky vendim nuk është drejtësi, duke qenë se siç thonë ata e kanë kthyer jetën në gjyq.
Prokuroria sot ka tërhequr aktakuzën për këtë rast, ndërsa gjykata ka marrë vendim për parashkrimin e veprës penale të keqpërdorimit të pozitës dhe kompetencave zyrtare.
Gjatë viteve, Gjykata e Apelit e ktheu çështjen në Gjykatën Penale tre herë dhe pati dënime, dënime me kusht dhe pafajësi.
Arrestimi spektakolar i këtyre personave, me forca speciale, filloi në nëntor të vitit 2007 dhe zgjati disa ditë, dhe ministrja e atëhershme e Punëve të Brendshme, Gordana Jankuloska, para opinionit theksoi se ishte kryer operacioni më i madh, më i gjatë dhe më masiv.
Personat e arrestuar akuzoheshin se kanë formuar një grup të organizuar kriminal, i cili nuk lëshonte kupona fiskale për tarifat e paguara nëpër pikat e pagesave rrugore, dhe paratë i fuste në xhepa dhe më pas i shpërndanin sërish në mënyrë të organizuar.(INA)
