Kryetari i Aleancës për Shqiptarët, Arben Taravari, u prit sot nga amsadorja e SHBA-ve në Shkup, Angela Price Aggeler.
Taravari ka njoftuar lidhur me këtë takim.
“Ishte ky takimi i parë pas marrjes së detyrës si ambasadore e jashtëzakonshme dhe fuqiplote e SHBA-ve në Maqedoninë e Veriut, ndërsa Kryetari Taravari ishte i shoqëruar nga Deputeti Halil Snopçe.
I urova ambasadores kthim të mbarë në Shkup, duke shpresuar që ky takim të jetë pikënisja e një bashkëpunimi të ngushtë në funksion të thellimit dhe zgjerimit të marrëdhënieve unike midis vendeve tona. E falënderova Ambasadoren Aggeler për mbështetjen e palëkundur të SHBA-ve për vendin tonë, posaçërisht në integrimet euro-atlantike dhe angazhimin e saj personal për çrrënjosjen e korrupsionit, llogaridhënien nga të korruptuarit dhe luftimin e kulturës së pandëshkueshmërisë”, deklaroi kryetari Taravari.
Në takim u diskutua për masat e propozuara nga ASh-ja në kuadër të pakos së partisë për shtetin e së drejtës dhe luftën e pakompromis kundër korrupsionit, duke u pajtuar për urgjencën e nismave konkrete në këtë drejtim. Taravari dhe Aggeler, janë dakorduar se integrimi i Maqedonisë së Veriut në BE është rruga e vetme që garanton zhvillim, prosperitetit dhe stabilitet, dhe se rezoni shtetëror kërkon nga forcat pro-evropiane që të mos lejojnë devijimin nga ky kurs, duke marrë pa vonesë përgjegjësinë për të mos e humbur shansin para nesh dhe për ta përmbyllur suksesshëm këtë proces jetik për gjeneratat e ardhshme”, theksoi Taravari.(INA)
https://www.facebook.com/arben.taravari/posts/10229568934148772
