Sekretari i Përgjithshëm i Alternativës, Zeqirja Ibrahimi ka konfirmuar për gazetën “Sloboden Pechat” informacionin se kryetari i kësaj partie Afrim Gashi dje është takuar me ish-kryeministrin dhe ish-liderin e LSDM-së Zoran Zaev.
Ibrahimi nuk zbuloi detaje se për çfarë kanë biseduar Gashi dhe Zaev, por thotë se sigurisht tema nuk ka qenë rrëzimi i qeverisë së kryeministrit Dimitar Kovacevski.
“Takimi nuk ka qenë në asnjë mënyrë për rrëzimin e qeverisë së Kovaçevskit. Qeverinë do ta lëmë të fundoset vetvetiu, sepse gjithsesi do të bjerë pranverën e ardhshme”, thotë Ibrahimi.
Ai sqaron se takimi mes Zaevit dhe Gashit ka qenë paraprakisht i planifikuar, por për shkak të angazhimeve private të Zaevit ka ndodhur dje.
Në takim, siç thuhet Gashi dhe Zaev shkëmbyen mendime për zhvillimet politike në Maqedoni.
Alternativa u largua nga Qeveria pas hyrjes së Aleancës për Shqiptarët.(INA)
