Analisti Dibran Hoxha ka folur për zhvillimet e fundit në Maqedoninë e Veriut. Në emisionin Debat Plus, ai ka thënë se populli shqiptarë në Maqedoni është më i diskriminuari në rajon, përcjell agjencia e lajmeve INA.
Ai ka folur edhe për zgjedhjen e kryeministrit të ri, Talat Xhaferi.
“Kryeministri Talat Xhaferi u zgjodh me viski dhe këngë patriotike. Nuk na shpiejnë askund këto pamje. Duhet me kërku bilansin për të drejtat e shqiptarëve në Maqedoni. Gjysma e ministrave janë shqiptarë, por cka bëjnë ata për popullin dhe qytetarët shqiptarë? Ata nuk i shërbejnë qytetarëve, por elitave politike. Ata i shërbejnë interesave të veta dhe jo avansimit të të drejtave të shqiptarëve në Maqedoni. I shërbejnë atyre që pijnë viski dhe këndojnë këngë patriotike për me shpërla trurin e shqiptarëve atje.
Cfarë të drejta kanë avansu për shqiptarët atje? Me kap me pi viski dhe këngu këngë patriotike”, është shprehur Hoxha.
Ai thotë se shqiptarët jetojnë keq në Maqedoni sepse për sa e sa vite ka qeverisur BDI-ja atje. Sipas tij ky subjektë politik është i korruptuar.
“Në Maqedoni shqiptarët performojnë më mirë në korrupsioni sepse i kanë partitë e korruptume. Në Pisa shqiptarët performojnë më dobët sepse qeverisen në ato koalicione nga partitë e korruptume shqiptare. Ka mirëqenie më të dobët tek rajonet shqiptare dhe dëshmohet me migrimi, ku shqiptarët ikin më shumë se maqedonasit. Shqiptarët janë më keq sepse BDI-ja ka qeverisë që sa vite”, ka shtuar Hoxha.
Ai ka thënë se në Maqedoni nuk respektohet gjuha shqipe. “ Ka gjuhë zyrtare por në shumë institucione nuk respektohet ajo. Shqiptarët në Maqedoni janë populli më i diskriminuar në rajon.
Ai ka thënë se ministri shqiptar i arsimit s’ka mundur të sigurojë as libra shkollorë për nxënësit atje.(INA)
