Ministri i shëndetësisë, Arben Taravari sot ka folur lidhur me zërat për dorëheqjen e tij nga posti i ministrit dhe për raportet brenda koalicionit VLEN.
“Marrëdhëniet mes partnerëve të koalicionit janë të qëndrueshme. Jam i fokusuar në punën time në Ministrinë e Shëndetësisë dhe do të vazhdoj të punoj në datat 1, 2 dhe 5 prill”, tha sot ministri i Shëndetësisë Arben Taravari, duke iu përgjigjur pyetjes së një gazetari lidhur me raportimet në disa media se ai do të drejtojë sektorin e shëndetësisë deri në prill.
“Sot në mëngjes u zgjova me 50 mesazhe që më pyesnin nëse do të jepja dorëheqjen. Unë jam i fokusuar në punën time në Ministrinë e Shëndetësisë. Marrëdhëniet mes partnerëve të koalicionit janë të mira dhe të qëndrueshme. Unë vazhdoj të shërbej si ministër i Shëndetësisë në datat 1, 2 dhe 5 prill”, tha Taravari.
Ai, siç theksoi, është i fokusuar në çështje të rëndësishme për pacientët, si dhe për mirëqenien e pacientëve nga Koçani, por edhe në përgjithësi të të gjithë pacientëve në vend.
“Këto tema për mua janë i-relevante dhe të parëndësishme, unë jam i fokusuar në shërimin e pacientëve dhe përmasimin gjendjes së tyre, për koalicione dhe bashkëpunime partiake kemi kohë për të biseduar kemi kohë, për dorëheqje as që planifikoj raportet midis parterëve të koalicionit janë shumë të mira. Kështu që vazhdoj të jem ministër i shëndetësisë”, tha Taravari.
Ndërkohë nëse është takuar apo jo me Ali Ahmetin, tha se ka pasur kanale komunikimi por se nuk është takuar. (INA)
