Ministri i Shëndetësisë, Arben Taravari ka dhënë detaje rreth vizitës në Kroaci.
“Me Ministrinë e Shëndetësisë të Republikës së Kroacisë nënshkruam një plan për bashkëpunim në disa segmente të sistemit shëndetësor, me fokus të veçantë në shkëmbimin e përvojave mes dy vendeve në drejtim të përmirësimit të kujdesit shëndetësor.
Plani përfshin edhe bashkëpunimin në fushën e zhvillimit profesional të punonjësve shëndetësorë, bashkëpunimin në fushën e transplantimit, parandalimit dhe zbulimit të hershëm të kancerit, si dhe në lidhje me modelet e financimit të shërbimeve shëndetësore”, është shprehur Taravari. (INA)
