Ministri i Shëndetësisë, Arben Taravari tha se sistemi jonë i shëndetësisë ka deficit të kuadrit dhe se si rrjedhojë, si ministri do të përpiqen që për shumicën prej personelit që janë me kontratë, të japin vendime pune.
“Në përgjithësi ne kemi deficit të kuadrit, kështu që ata që janë me kontrata do të mundohemi shumicën prej tyre që t’u japim vendime dhe normalisht t’i plotësojmë vendet ku ka hapësirë se përsëri ka deficit të kuadrit të mesëm mjekësor, edhe në Kërçovë edhe çdo kund tjetër, por nuk do të lejojmë edhe kontrata që ekzistojnë me tëtëvjeçare, me shkollë të mesme, që nuk vijnë në punë edhe marrin rroga, këto do t’i anulojmë gjithsesi”, theksoi Taravari./tv21.tv
