Mirëpo Taravari thekson se nuk e ka njohur bashkëpronarin e mëparshëm të kësaj shtëpie, Ismail Jahoski, i cili përndryshe është deputet i BDI-së.
Në të njëjtën kohë, ai tregon se pikërisht në këtë shtëpi është rënë dakord për bashkëpunim me liderin e opozitës Hristijan Mickoski.
Taravari në mënyrë të argumentuar ka hedhur poshtë edhe lajmet e rrejshme per vlerën e shtëpisë.
“Shtëpia është vlerësuar nga 2 institucione. Një nga qyteti i Shkupit, ku kam paguar tatimin dhe vlerësohet në 190 mijë euro. Dhe është vlerësuar nga Stopanska Banka, ku kam marrë 100 mijë euro kredi. Aty e vlerësojnë 200 mijë euro”, sqaron Taravari.
