Aleanca për Shqiptarët (ASH) po pret nëse partitë në pushtet do t’i plotësojnë kërkesat e saj për të hyrë në Qeveri. Nëse kjo nuk ndodh, kreu i saj, Arben Taravari thotë se ka gjasa që vendi të shkojë në zgjedhje.
“Nëse AA nuk hyn në Qeveri, 80 deputetë nuk do të sigurohen 100%, ndoshta do të shkojmë në zgjedhje. Nëse futemi, do të japim një shans për të siguruar shifrën 80, por nëse do të ndodhë kjo nuk varet nga ne”, tha Taravari, përcjell TV21.
Taravari thotë se kërkesat e tyre nuk janë personelore, por më shumë programore. Megjithatë, duket se oreksi i ASH nuk është aq i vogël.
“Nuk ka më ministri Burek. Ju e dini që ne nuk pranojmë ministri të tilla”, tha Taravari. Ministria e Shëndetësisë është një nga resorët që insiston kjo parti, por që nuk lëshohet nga Alternativa./TV21
