Kryetari i ASH-së, Arben Taravari në kongresin partiak të mbajtur në Tetovë theksoi se tashmë ata si subjekt politik kanë legjitimitetin e plotë dhe janë të konsoliduar në të gjitha aspektet.
Ai njoftoi se në punimet e këtij kongresi janë zgjedhur anëtarët e Kuvendit të ri, të cilët më pas do të zgjedhin organet e reja partiake.
“Të gjithë ne së bashku ia dolëm, në 8 maj ia dolëm, e rrëzuam një regjim 22 vjeçar! Në këtë kongres unanimisht u zgjodhën anëtarët e Kuvendit të ri dhe tash me plot përgjegjësi mund të themi se ASH e ka legjitimitetin e plotë si një parti që është e konsiliduar në të gjitha aspektet”, deklaroi Taravari.
Ai ka folur edhe për krahun tjetër të prirë nga Ziadin Sela dhe çështjet e hapura për ASH-në.
“Ju e dini se kishte zhvillime në ASH, ASH më 8 maj shkoi në zgjedhje me një grup të madh që ishin me mua, me ne, dhe një grup i vogël që iu bashkëngjit BDI-së. Neve, pasi që në atë grup kishte disa kryetarë degësh, disa kryetar nëndegësh, disa anëtarë të Kuvendit, neve na duheshte konsolidim i partisë. Unë i uroj edhe grupit tjetër ta bëjnë të njëjtën, nëse kanë kapacitete”, theksoi Taravari.(INA)
