Ministri i Shëndetësisë, Arben Taravari, thotë se nuk ka pasur informacion të saktë për kërkesën e VMRO-së për përgjegjësinë e gjykatësit Pajazit Pajaziti. I pyetur nëse VLEN si koalicion i bashkohet kërkesës së partnerit të tyre të koalicionit, Taravari tha se nuk ka informacione të sakta se për çfarë bëhet fjalë.
“Nuk kam informacion të saktë se për çfarë bëhet fjalë, por pavarësisht emrit, kushdo që nuk ka vepruar siç duhet duhet të mbajë përgjegjësi. Nuk kam informacion të saktë për rastin konkret, kur ta kem do të kemi qëndrim si koalicion VLEN”, tha Taravari.
Kërkesa për përgjegjësi nga gjyqtari Pajaziti është për shkak të vendimit të tij për t’ia hequr paraburgimin institucional pjesëtarit të UÇK-së, Blerim Ramadani dhe për të caktuar masën e arrestit shtëpiak, pas së cilës i arrestuari është arratisur nga vendi.
