Edhe pse ASH gjysëm viti është pjesë e Qeverisë, matrica e mendësisë së njerëzve të kësaj partie është përgjithësisht opozitare, thotë kryetari i ASH-së, Arben Taravari në një intervistë për “Fokus”.
Në intervistë ai thekson se kanë qenë kundër ndryshimeve në Kodin Penal, edhe pse si parti nuk kanë njohuri se kjo bëhet për lehtësime ndaj Gruevskit, i cili, sipat tij, mund të kthehet vetëm për ta vuajtur dënimin.
Megjithatë, Taravari beson se në momentin e fundit me ndihmën e VMRO-DPMNE-së do të votohen ndryshimet kushtetuese, pasi do jepen disa garanci se nuk do të ketë kërkesa të reja bullgare në rrugën drejtë BE-së.
Nëse kjo nuk ndodh, parashikon se do të hapet kutia e Pandorës, duke sqaruar se kjo nuk nënkupton luftë të re ose kufij të ri, por se në skenë do të shfaqet e djathta radikale sheiptare, si pandan i të majtës radikale maqedonase.
Në këtë mënyrë, sipas tij, do të hapen temat legjitime për riorganizim të bredshëm të shtetit, prej ku një nga opcionet e mundshme është definimi i 20 komunave të zhvilluara, kryetarët e të cilave do të jenë pjesë e një parlamenti, ndërkohë që do të ketë parlament tjetër me 50 e më shumë deputetë.
Lideri i ASH-së dëshiron dalje individuale në zgjedhje, tërësisht Kushtetutë të re dhe decentralizim sa më të madh.
