Nga gjithsej 21 pacientë të shtruar në Shkup pas tragjedisë në Koçan, pesë do të lirohen sot. Katër pacientë janë në gjendje kritike, dhe dy janë përkeqësuar sërish. Ende ka pacientë të intubuar në gjendje të rëndë, por jo në rrezik për jetën, tha ministri i Shëndetësisë Arben Taravari.
Siç tha Taravari në një konferencë për shtyp, 89 pacientë janë jashtë vendit, por dy po kthehen nga Lituania dhe Suedia. Ata fillimisht do të shtrohen dhe do të kontrollohen në spitalet vendase nga ku janë evakuuar, sipas protokollit do të mbahen për 24 orë dhe më pas do të lirohen në shtëpi.
Për nesër nuk ka njoftim për kthimin e pacientëve të tjerë nga jashtë, por të hënën, theksoi ministri, me siguri do të kthehen pesë.
Nga të shtruarit, gjashtë janë në Qendrën Klinike, gjashtë në Spitalin e Qytetit dhe pesë në Spitalin e Përgjithshëm “8 Shtatori”, ndërsa katër në klinika private. Sot janë pesë pacientë të cilët janë në gjendje më të mirë dhe do të shkojnë në mjekim shtëpiak, sqaroi Taravari.
