Lideri i Aleancës për Shqiptarët Arben Taravari ka prezantuar një prurje të re në parti.
“Mirë se vjen Xhemaledin Nexhipi!
Edhe një kuadër i mirëfilltë, ekonomist i diplomuar në Univesitetin e Prishtinës, i bashkëngjitet idesë për ndryshim.
Gjatë periudhës 2014-2018, ai ka qenë drejtor i Shtëpisë së Pleqve “Zafir Sajto” në Kumanovë, ku me sukses ka mbaruar mandatin e tij dhe nga një institucion me kushte të mjerueshme për banim, e shndërroi atë në një institucion me standarde evropiane, duke marrë kështu disa mirënjohje e certifikata nga shumë institucione vendore e ndërkombëtare!
Aktualisht punon si udhëheqës i Revizionit të brendshëm në Kuvendin e RMV-së!”, ka shkruar Taravari. (INA)
