Kryetari i ASH-së, Arben Taravari sot ka pritur në takim ambasadorin e Republikës së Shqipërisë në RMV, Fatos Reka dhe zëvendësambasadorin, Refik Golli.
Sipas njoftimit të ASH, Reka dhe Golli fillimisht ia kanë uruar Taravarit zgjedhjen si kryetar i ASH-së, ndërsa kanë diskutuar për zhvillimet aktuale dhe tema me interes.
“Në këtë takim ku isha i shoqëruar nga deputeti Abdulla Saliu dhe shefi i kabinetit Arben Fetai, biseduam rreth takimit të mbrëmshëm në Tiranë dhe ndamë mendime lidhur me zhvillimet rajonale dhe nevojës për hapjen formale të negociatave me BE-në”, u shpreh Taravari.
Në takim është diskutuar edhe për projektet e përbashkëta midis dy shteteve, siç është përfundimi i Korridorit 8 dhe projektet e tjera që do t’i afrojnë dhe zhvillojnë dy vendet.(INA)