Të dielën përballja Erdogan vs Kiliçdaroglu

INA
INA

26/05/2023

Votimet jashtë vendit për raundin e dytë të zgjedhjeve presidenciale në Turqi u mbyll me një pjesëmarrje rekord dhe me thasë të mbushur me fletë votimi, të cilët u nisën nga vende të ndryshme të botës drejt Ankarasë.

Rreth 1.86 milionë turq votuan dhe vendimi i tyre mund të rezultojë kyç në vendosjen e balancës në favor të presidentit në detyrë Recep Tayyip Erdogan, ose kundërshtarit të tij social-demokrat Kemal Kiliçdaroglu.

Erdogan iu afrua mazhorancës absolute në raundin e parë, pavarësisht krizës ekonomike dhe 20 vite të kaluara në pushtet.

“Me vullnetin e Zotit gjërat do të ndryshojnë me këto zgjedhje. Njerëzve nuk do t’u duhet më të shkojnë jashtë, por do të jetojnë të lirë, me ekonominë që do përmirësohet. Uroj që njerëzit të qëndrojnë në Turqi pasi rrjedhja e trurit është shumë serioze,” – u shpreh studenti Yiğit Şenciol.

Por nëse rinia dëshiron ndryshim, edhe banorët e zonave të prekura nga tërmeti i shkurtit po e kërkojnë atë. Shumë prej tyre ndihen të braktisur.

“Për mua kjo nuk është çështje politike. Do të votoja për këdo që do të largonte Erdoganin. Mund të jetë Kiliçdaroglu, apo dikush tjetër. nuk më intereson. Erdogan na varrosi të gjallë, nuk na ndihmoi. Deri më sot nuk kam marrë asnjë ndihmë,” – tha Sema Sicek, një banor i Antakias.

Zgjedhjet në Turqi do të mbahen të dielën dhe shifrat elektorale favorizojnë Erdogan. Presidenti tani mbështetet nga kandidati nacionalist Sinan Ogan, që mori 5 për qind të votave në raundin e parë./euronews

TË FUNDIT

ME TE LEXUARA

LEXO MË SHUMË

kuleba

Kuleba: Maqedonia e Veriut na ka ndihmuar shumë

turqi zgjedhjet

“Blindohet” Turqia, më shumë se gjysmë milioni njerëz do të angazhohen për të siguruar zgjedhjet lokale më 31 mars

Keshilli-i-Sigurimit-OKB

Izraeli anulon takimin e Uashingtonit pas votimit të armëpushimit të Gazës në OKB

Sulmi Moske Rusi

Thellohet bilanci, shkon në mbi 93 numri i viktimave nga sulmi terrorist në Moskë, çfarë dihet deri tani

Sulmi Moske Rusi

The Guardian: ISIS-i merr përgjegjësinë për sulmin në Moskë

rusia moska

Rusia sulmon digën më të madhe në Ukrainë

antoni blinken

Blinken thotë se Izraeli gabon nëse e pushton Rafahun

antoni blinken

Blinken: SHBA-të i paraqitën OKB-së një projekt-rezolutë që bën thirrje për armëpushim në Gaza

nafta tregjet

Çmimi i naftës në botë shtrenjtohet për 4 %, çka po ndodhë?

INFO

NA NDIQ